Producer Satram Rohra Passed Away : "जय संतोषी माँ" (Jai Santoshi Maa) हा चित्रपटाची निर्मिती करणारे सतराम रोहरा (Satram Rohra) यांचं निधन झालं आहे. वयाच्या 85 व्या वर्षी त्यांनी अखेरचा श्वास घेतला. सतराम रोहरा निर्मित 'जय संतोषी मा' च्या खणखणीत यशाने पौराणिक चित्रपटाला मुख्य प्रवाहात स्थान मिळाले. 'जय संतोषी माँ' (1975), भारतातील सर्वात मोठ्या ब्लॉकबस्टर चित्रपटांपैकी एक, असे रेकॉर्ड होते जे आजपर्यंत कोणीही मोडू शकले नाही. सतराम रोहरा यांनी 1973 मध्ये रॉकी मेरा जाम यासारख्या व्यावसायिक चित्रपटाची निर्मिती केली, ज्यात संजीव कुमार मुख्य अभिनेते होते. त्यांनी नवा साहब, जय काली आणि घर की लाज या चित्रपटाची निर्मिती केली.
'जय संतोषी माँ' चित्रपट केला प्रोड्युस
16 जून 1939 रोजी सिंध (आता पाकिस्तानात) येथे सतराम रोहरा यांचा जन्म झाला होता. पण भारताला स्वातंत्र्य मिळालं, त्यावेळी रोहरा यांचं कुटुंब मुंबईमध्ये स्थायिक झालं. त्यानंतर त्यांनी निर्मिती क्षेत्रात पदार्पण केले. त्यांनी शेरा डाकू (1966) हा चित्रपट पहिल्यांदा प्रोड्युस केला होता. त्यानंतर आलेला 'रॉकी मेरा नाम' हा चित्रपट सुपरहिट ठरला होता. सतराम रोहरा निर्मित आणि विजय शर्मा दिग्दर्शित 'जय संतोषी मां' हा हिंदी चित्रपटसृष्टीतील सर्वात यशस्वी चित्रपटांपैकी एक आहे. सतराम रोहरा यांनी 'घर की लाज', 'करण', 'जय काली', 'नवाब साहिब' यासारखे चित्रपट प्रोड्युस केले. सतराम रोहरा हे 'झुलेलाल', 'हाल ता भाजी हालू', 'शाल ध्यार ना जमा', 'लाडली' सारखी गाणी गायणारे गायक होते. त्यांनी 'महाभारत' (1987) मध्ये गायक म्हणूनही काम केले आहे.
शोले चित्रपटासोबत टक्कर
'जय संतोषी माँ' या पौराणिक कथेवर आधारित चित्रपटाने विक्रम रचला होता. 15 ऑगस्ट 1975 रोजी 'जय संतोषी मां' आणि शोले हे चित्रपट रिलिज झाले होते. 'जय संतोषी मां' या चित्रपटाला पहिल्या दिवसापासून प्रेक्षकांकडून चांगला प्रतिसाद मिळाला. पण शोले हा चित्रपटाला चार दिवसांनंतर प्रसिद्धी मिळण्यास सुरुवात झाली. शोलेसारख्या चित्रपटाकडून तगडी टक्कर मिळाल्यानंतरही 'जय संतोषी मां' हा चित्रपट तिकिटखिडकीवर यशस्वी ठरला.
एका चित्रपटगृहात 50 आठवडे चालला चित्रपट
जय संतोषी मां हा चित्रपट वांद्रे येथील एका चित्रपटगृहात 50 आठवडे चालला होता, त्यावेळी हा विक्रमच झाला होता. Sacnilk नुसार 'जय संतोषी मां' या चित्रपटाचे बजट 30 लाख रुपये इतके होते, त्या चित्रपटाने बॉक्स ऑफिसवर 10.50 कोटी रुपयांची कमाई केली होती. 'जय संतोषी मां' या चित्रपटाची बॉलिवूडमधील ऑलटाईम हीट चित्रपट म्हणून नोंद झाली. 'जय संतोषी मां' हा चित्रपट पाहायला प्रेक्षक जाताना चित्रपटगृहाबाहेर चप्पल-बूट काढून जात होते. चित्रपटाचे टायटल साँग लागल्यानंतर आजही अनेकजण हात जोडून उभे राहतात.
महत्त्वाच्या इतर बातम्या :