Ira-Nupur Wedding Reception: ज्येष्ठ चित्रपट अभिनेते धर्मेंद्र (Dharmendra) 88 वर्षांचे झाले आहेत. पण वयाच्या या टप्प्यावरही ते अभिनय क्षेत्रात काम करत आहेत. गेल्या वर्षी रिलीज झालेल्या रॉकी और रानी की प्रेम कहानी या चित्रपटामधील धर्मेंद्र यांच्या अभिनयाचं अनेकांनी कौतुक केलं. धर्मेंद्र यांनी आमिर खानची मुलगी आयरा खान (Ira Khan) आणि नुपूर शिखरे यांच्या लग्नाच्या रिसेप्शनला देखील हजेरी लावली होती. धर्मेंद्र यांनी रिसेप्शन सोहळ्याला धमाकेदार एन्ट्री करुन सर्वांचे लक्ष वेधून घेतले.
धर्मेंद्र यांची धमाकेदार एन्ट्री
धर्मेंद्र यांनी आयरा आणि नुपूर यांच्या रिसेप्शन सोहळ्याला धमाकेदार एन्ट्री केली. यावेळी धर्मेंद्र एकटे दिसले. धर्मेंद्र हे कार्यक्रमाला पोहोचताच सर्वांच्या नजरा त्याच्यावर खिळल्या. पण यादरम्यान त्याने तमिळ सुपरस्टार कमल हासन यांच्या मुली श्रुती आणि अक्षरा यांच्या फोटो सेशनमध्ये धर्मेंद्र यांची एन्ट्री झाली. त्यामुळे गोंधळ झाला.
धर्मेंद्र हे फोटो सेशनमध्ये आले त्यामुळे श्रुती आणि अक्षरा या बाजूला झाल्या. त्यानंतर त्यांच्या हास्यानेही सर्वांचे लक्ष वेधून घेतले. या घटनेनंतर लोक वेगवेगळ्या प्रकारे प्रतिक्रिया देत आहेत. काही जणांनी श्रुती आणि अक्षरा यांना ट्रोल केलं आहे.
नेटकऱ्यांनी श्रुती आणि अक्षराला केलं ट्रोल
सोशल मीडियावर व्हायरल झालेल्या व्हिडीओला कमेंट करुन अनेकांनी श्रुती आणि अक्षरा यांना ट्रोल केलं. एका नेटकऱ्यानं कमेंट केली, "त्या दोघी धर्मेंद्र यांच्यापासून दूर का पळत आहेत?" तर दुसऱ्यानं कमेंट केली, "त्यांनी धर्मेंद्र जींना रिस्पेक्ट द्यायला पाहिजे"
पाहा व्हिडीओ:
आयरा आणि नुपूरच्या लग्नाच्या रिसेप्शन सोहळ्याला सलमान खान, शाहरुख खान, जया बच्चन, श्वेता बच्चन, सोनाली बेंद्रे, हेमा मालिनी,रेखा, अनिल कपूर या सेलिब्रिटींनी देखील हजेरी लावली. 3 जानेवारी रोजी आयरा खान आणि नुपूर शिखरे यांनी मुंबईच्या ताज लँड्स एंड येथे रजिस्टर मॅरेज केले. त्यानंतर त्यांनी उदयपूरमध्ये ख्रिश्चन पद्धतीनं लग्न केलं. नंतर आयरा आणि नुपूर यांचा रिसेप्शन सोहळा पार पडला.
वाचा इतर महत्वाच्या बातम्या: