Hrithik Roshan: बॉलिवूडमधील प्रसिद्ध अभिनेता हृतिक रोशन (Hrithik Roshan) सध्या त्याच्या त्याच्या 'फायटर' (Fighter) या चित्रपटामुळे चर्चेत आहे. हा चित्रपट 25 जानेवारीला थिएटरमध्ये प्रदर्शित होत आहे. या चित्रपटाबरोबरच हृतिक हा सध्या एका व्हिडीओमुळे चर्चेत आहे. हृतिकनं नुकतीच एका कार्यक्रमात हजेरी लावली. त्याच कार्यक्रमात त्याची एक्स वाईफ सुझान खान (Sussanne Khan) देखील सहभागी झाली होती. यावेळी सुझान आणि हृतिक हे एकमेकांसोबत संवाद दिसले.
हृतिक आणि सुझानच्या व्हिडीओची सोशल मीडियावर चर्चा
सोशल मीडियावर व्हायरल झालेल्या व्हिडीओमध्ये दिसले की, हृतिक रोशन एका प्रदर्शनीमध्ये पोहोचला आणि त्याची एक्स वाईफ सुझान खान आधीच तेथे उपस्थित होती. प्रदर्शनात पोहोचताच हृतिक रोशनने सुझान खानला मिठी मारली. यासोबतच सुझान खानने हृतिकसोबत क्लिक केले. हृतिक रोशन आणि सुझान खानचा हा व्हिडीओ सोशल मीडियावर व्हायरल झाल्यानंतर अनेक नेटकऱ्यांनी व्हिडीओला कमेंट केली.
नेटकऱ्यांच्या कमेंट्स
हृतिक रोशन आणि सुझान खान यांच्या व्हिडीओला एका नेटकऱ्यानं कमेंट केली, 'हे दोघे एकत्र चांगले दिसतात.'तर दुसऱ्या युझरनं कमेंट केली, 'त्यांची जोडी छान दिसते.'
पाहा व्हिडीओ:
हृतिक रोशननं सुझान खानसोबत 2000 मध्ये लग्नगाठ बांधली. पण या जोडप्याने 2014 मध्ये घटस्फोट घेतला. सुझान आणि हृतिक रोशन यांना दोन मुले आहेत. सुझान ही सध्या अरसलान गोनीला डेट करत आहे तर हृतिक हा सबा आझादला डेट करत आहे.
हृतिकचा आगामी चित्रपट
हृतिक लवकरच फायटर या चित्रपटामधून प्रेक्षकांच्या भेटीला येणार आहे. या चित्रपटात दीपिका पदुकोण, अनिल कपूर, करण सिंग ग्रोव्हर आणि अक्षय ओबेरॉय यांनीही महत्वाची भूमिका साकारली आहे.सिद्धार्थ आनंद दिग्दर्शित 'फाइटर' हा चित्रपट 25 जानेवारीला रिलीज होत आहे. ज्यामध्ये अनेक अॅक्शन सीन्स असणार आहे. नुकताच या चित्रपटाचा ट्रेलर रिलीज झाला. या ट्रेलरला नेटकऱ्यांची पसंती मिळाली. प्रेक्षक या चित्रपटाची उत्सुकतेने वाट बघत आहेत.
वाचा इतर महत्वाच्या बातम्या: