क्या यही प्यार है! हृतिक अन् सबाची एकमेकांच्या पोस्टवर 'प्रेमळ जुगलबंदी'

Hrithik-Saba Wedding : हृतिकने सोशल मीडियाद्वारे प्रेमाची कबुली दिली आहे.

Hrithik-Saba Wedding : बॉलिवूड अभिनेता हृतिक रोशन (Hrithik Roshan) आणि सबा आझाद (Saba Azad) सध्या चर्चेत आहेत. दोघे एकमेकांना प्रेमाची कबुली कधी देणार? याकडे चाहत्यांचे लक्ष लागले आहे. आता सोशल मीडियावर हृतिक आणि सबा एकमेकांच्या पोस्टवर कमेंट करताना दिसत आहेत. 

हृतिक-सबा नेहमीच एकमेकांच्या पोस्टवर कमेंट करत असतात. अशातच हृतिकने सबासाठी केलेली पोस्ट चर्चेत आली आहे. सबाने पुण्यातील एका इव्हेंटचा व्हिडीओ सोशल मीडियावर शेअर केला आहे. या व्हिडीओवर हृतिकने लिहिले आहे,"तुझं हे पॅशन,वेड अनुभवायला मी तिथे असायला हवं होतं". त्यावर सबाने लिहिले आहे,"हो प्रिय माणसा तू इथे असायला हवं होतंस". 

हृतिक आणि सबा दोघेही मुंबईतील एका रेस्टॉरंटबाहेर एकत्र स्पॉट झाले होते. त्यानंतर दोघेही अनेकदा हाहात हात घालून स्पॉट झाले आहेत. ट्वीटरच्या माध्यमातून दोघांच्या मैत्रीची सुरुवात झाली आहे. हृतिक-सबाच्या नात्याविषयी अद्याप कोणतीही अधिकृत माहिती मिळालेली नाही.

ह्रतिकच्या फॅमिली फोटोमध्ये दिसली सबा 
ह्रतिकचा फॅमिली फोटो देखील सोशल मीडियावर व्हायरल झाला होता. या फोटोमध्ये सबा देखील दिसत होती. 20 फेब्रुवारी रोजी ह्रतिक रोशनच्या फॅमिलीसोबत संडे लंच करण्यसाठी सबा त्याच्या घरी गेली होती.  राजेश रोशननं हा फॅमिली फोटो शेअर केला होता.

हृतिक रोशन आणि दीपिका पदुकोण लवकरच रुपेरी बडद्यावर झळकणार आहेत. त्यांचा 'फायटर' (Fighter) सिनेमा 28 सप्टेंबरला प्रदर्शित होणार आहे.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha