मुंबई : हाऊसफुल 5 (Housefull 5) चित्रपटाच्या घोषणेपासूनच चाहत्यांना याबाबत उत्कंठा लागली आहे. गेल्या काही महिन्यांपासून हाऊसफुल 5 चित्रपट चांगलाच चर्चेत आहे. अक्षय कुमार (Akshay Kumar), रितेश देशमुख (Riteish Deshmukh) आणि अभिषेक बच्चन (Abhishek Bachchan) यांच्या कॉमेडीच्या डोसची चाहते आतुरतेने वाट पाहत आहेत. अशात आता हाऊसफुल 5 चित्रपटाबाबत मोठी अपडेट (Housefull 5 Movie Update) समोर आली आहे. या चित्रपटात आता आणखी एका अभिनेत्याची एन्ट्री झाली आहे. हाऊसफुल चित्रपटाचा प्रोड्युसर साजिद नाडीयाडवाला (Sajid Nadiadwala) याने याबाबत मोठी माहिती दिली आहे.


हाऊसफुल 5 मध्ये आणखी एका सुपरस्टारची एन्ट्री


प्रोड्युसर साजिद नाडीयाडवालाने हाऊसफुल 5 चित्रपटात नवीन अभिनेत्याची एन्ट्री झाल्याची माहिती चाहत्यांसोबत शेअर केली आहे. साजिद नाडीयाडवालाने इंस्टाग्राम अकाऊंटवर पोस्ट शेअर करत यासंदर्भात अपडेट दिली आहे. साजिदने इंस्टाग्रामवर चाहत्यांसोबत गूड न्यूज शेअर करत अभिनेता संजय दत्त (Sanjay Dutt) याची या चित्रपटात एन्ट्री झाल्याचं सांगितलं आहे.  


साजिद नाडीयाडवालाने चाहत्यांना दिली गूड न्यूज


इंस्टाग्रामवर पोस्ट करताना साजिद नाडीयाडवालाने (Sajid Nadiadwala) अभिनेता संजय दत्तसोबतचा (Sanjay Dutt) फोटो शेअर केला आहे. या फोटोला कॅप्शन देताना त्याने लिहिलं आहे की, अभिनेता संजय दत्त हाऊसफुल 5 परिवारात सामील झाल्याची घोषणा करताना एनजीई फॅमिली खूपच आनंदी आहे. आणखी एका विलक्षण रोमांचक प्रवासासाठी तयार राहा. हाऊसफुल 5 चित्रपटाचं दिग्दर्शन तरुण मनसुकानी (HouseFull 5 Directed by Tarun Mansukhani) करत आहेत.


हाऊसफुल 5 मध्ये संजय दत्तची एन्ट्री (Sanjay Dutt Joins Housefull 5 Cast)






हाऊसफुलमध्ये अभिषेक बच्चनही झळकणार


हाऊसफुल 5 चित्रपटाचं शूटिंग या वर्षी ऑगस्ट महिन्यापासून यूकेमध्ये सुरू होणार आहे. शूटींग सुरु करण्यासाठी अवघे काही दिवस उरले असताना साजिद नाडियादवाला सध्या चित्रपटाची स्टारकास्ट फायनल करण्यात व्यस्त आहे. याआधीच चित्रपटात अभिषेक बच्चनचं पुनरागमन झालं आहे. अभिषेक बच्चनबद्दल साजिदने म्हटलं होतं की, 'अभिषेकला हाऊसफुल फ्रँचायझीमध्ये परत आणण्यासाठी मी रोमांचित आहे. त्याचं काम, कॉमिक टायमिंग आणि प्रामाणिकपणा आमच्या चित्रपटाला वेगळ्या उंचीवर पोहोचवेल. अभिषेक बच्चनने याबाबत प्रतिक्रिया देताना म्हटलं की, 'हाऊसफुल चित्रपट माझ्या आवडत्या कॉमेडी फ्रँचायझींपैकी एक आहे आणि पुन्हा याचा भाग बनताना मला घरी परतल्यासारखं वाटत आहे. साजिद नाडियादवालासोबत काम करणं नेहमीच खूप आनंददायी असते. मी अक्षय आणि रितेशसोबत सेटवर खूप मजा करायला उत्सुक आहे.'


महत्त्वाच्या इतर बातम्या :


परवीन बाबीच्या प्रेमात पडला ऑस्ट्रेलियाचा इंजिनीअर, भेटायला मुंबईत पोहोचला अन् बनला बॉलिवूडचा विलन