Asia Cup 2022: हाँगकाँगच्या खेळाडूंना बॉलिवूडची भूरळ; 'काला चष्मा' वरील भन्नाट डान्सचा व्हिडीओ व्हायरल
हाँगकाँग संघाने सेलिब्रेशन करत 'काला चष्मा' या गाण्यावर भन्नाट डान्स केला आहे.
Asia Cup 2022 : आशिया कप 2022 (Asia Cup 2022) स्पर्धेला कालपासून सुरुवात झाली. भारत आणि पाकिस्तान (India vs Pakistan) हा बहुचर्चित आणि बहुप्रतिक्षित सामना आज रंगणार आहे. या स्पर्धेचा पहिला सामना श्रीलंका आणि अफगाणिस्तान यांच्यामध्ये झाला. यावेळी या स्पर्धेत भारत, पाकिस्तान, श्रीलंका, बांगलादेश, अफगाणिस्तान आणि हाँगकाँग हे 6 संघ असतील. हॉंगकॉंग टीमनं क्वालिफायर फेरी जिंकून अ गटात स्थान मिळवले आहे. या कामगिरीमुळे हाँगकाँगचा संघ खूप आनंदी दिसत आहे. हाँगकाँग संघाने सेलिब्रेशन करत 'काला चष्मा' या गाण्यावर भन्नाट डान्स केला आहे.
हाँगकाँग टीमचा व्हिडीओ व्हायरल
हाँगकाँग टीमच्या या डान्सचा व्हिडिओ सोशल मीडियावर चांगलाच व्हायरल होत आहे. हाँगकाँगच्या टीमने त्यांच्या इंस्टाग्राम स्टोरीवर हा व्हिडिओ शेअर केला. या व्हिडीओमध्ये हाँगकाँग टीम ही बार बार देखो या चित्रपटातील काला चष्मा या गाण्यावर डान्स करताना दिसत आहे. हाँगकाँगचा क्रिकेटपटू एजाज खाननं देखील हा व्हिडीओ सोशल मीडियावर शेअर केला आहे. या व्हिडीओला अनेक नेटकऱ्यांनी कमेंट्स केल्या आहेत. एका युझरनं या व्हिडीओला कमेंट केली, 'भारताच्या क्रिकेट संघाची कॉपी केली आहे'. तसेच या व्हिडीओला कमेंट करुन अनेक नेटकऱ्यांनी हाँगकाँग टीमला शुभेच्छा दिल्या आहेत.
पाहा व्हिडीओ:
View this post on Instagram
काला चष्मा गाण्याचा सोशल मीडियावर ट्रेंड
काला चष्मा गाण्यावर डान्स करुन व्हिडीओ शेअर करण्याचा सध्या सोशल मीडियावर ट्रेंड सुरु आहे. भारतीय संघाने देखील काला चष्मा गाण्यावर डान्स केला होता, शिखर धवननं हा व्हिडीओ शेअर केला होता. हा व्हिडिओही चांगलाच व्हायरल झाला होता.
वाचा इतर महत्त्वाच्या बातम्या:
महत्त्वाच्या बातम्या
ट्रेंडिंग न्यूज
