Happy Birthday Shaan : वयाच्या अवघ्या चौथ्यावर्षी गायनाला सुरुवात, लहान वयातच सांभाळली कुटुंबाची जबाबदारी! वाचा गायक शानबद्दल...
Happy Birthday Shaan : हिंदी चित्रपट आणि संगीतातील प्रसिद्ध गायक शान याचा जन्म 30 सप्टेंबर 1972 रोजी मध्य प्रदेशातील खंडवा येथे झाला.
Happy Birthday Shaan : सुप्रसिद्ध गायक शान (Shaan) याचा आज (30 सप्टेंबर) वाढदिवस आहे. हिंदी चित्रपट आणि संगीतातील प्रसिद्ध गायक शान याचा जन्म 30 सप्टेंबर 1972 रोजी मध्य प्रदेशातील खंडवा येथे झाला. शान बंगाली कुटुंबातील आहे. त्याचे पूर्ण नाव शंतनू मुखर्जी (Shantanu Mukherjee) आहे. शानने आपल्या संपूर्ण कारकिर्दीत हिंदी, बंगाली, मराठी, उर्दू, तेलगू, कन्नड, नेपाळी, उडिया, पंजाबी आणि मल्याळम यासह अनेक भाषांमध्ये गाणी गाऊन संगीतप्रेमींची मने जिंकली आहेत. शानचा हा संगीत प्रवास वयाच्या अवघ्या चौथ्या वर्षी सुरु झाला होता. शानला संगीताचा वारसा त्याच्या कुटुंबाकडूनच मिळाला होता. शानचे आजोबा जहर मुखर्जी हे प्रसिद्ध गीतकार होते. तर, त्याचे वडील मानस मुखर्जी संगीत दिग्दर्शक होते.
शानने केवळ हिंदीच नाही तर बंगाली, मराठी, उर्दू, तेलगू आणि कन्नड भाषांमध्येही गाणी गायली आहेत. यासोबतच तो एक लोकप्रिय टेलिव्हिजन होस्ट देखील आहे. त्याने टीव्हीवर 'सारेगामापा', 'सारेगामापा लिटिल चॅम्प्स', 'स्टार व्हॉईस ऑफ इंडिया' आणि 'म्युझिक का महामुकबाला' यासह इतर अनेक शो होस्ट केले आहेत. शानप्रमाणेच त्याची बहीण सागरिकाही एक प्रसिद्ध गायिका आहे.
वयाच्या चौथ्या वर्षी गायनाला सुरुवात
घरात सुरुवातीपासूनच संगीतमय वातावरण असल्याने शानचा लहानपणापासूनच संगीताकडे कल होता. वयाच्या अवघ्या चौथ्या वर्षी त्याने गायला सुरुवात केली. सुरुवातीच्या काळात शान जाहिरातींसाठी जिंगल्स गात होता. शान 13 वर्षांचा असताना त्याच्या वडिलांचे निधन झाले. वडिलांच्या मृत्यूनंतर, शानची आई संगीताच्या दुनियेत सक्रिय झाली, ज्यामुळे त्यांच्या घराचा आर्थिक डोलाराही सावरला. शानने लहानपणापासूनच जाहिरात चित्रपटांसाठी जिंगल्स गाण्यास सुरुवात केली. वयाच्या 17व्या वर्षी त्याने पहिल्यांदा चित्रपटात गाणे गायले.
‘या’ गाण्यांनी मिळाली ओळख
शान आणि त्याची बहीण सागरिका यांनी पहिल्यांदाच एका म्युझिक कंपनीसाठी गाणी गायली होती. त्यात काही रिमिक्स गाण्यांचाही समावेश होता. शानचा अल्बम हिट ठरला. पण, शानने स्वतः लिहिलेल्या 'भूल जा' आणि 'तन्हा दिल' या गाण्यांमधून त्याला खरी ओळख मिळाली. त्याची दोन्ही गाणी 1999 मध्ये रिलीज झाली होती. यानंतर शानने कधीही मागे वळून पाहिले नाही.
हिट चित्रपटांसाठी गायली गाणी
शानने ‘अशोका’, ‘कल हो ना हो’, ‘फना’, ‘जब वी मेट’, ‘तारे जमीन पर’, ‘3 इडियट्स’, ‘ओम शांती ओम’, ‘हे बेबी’, ‘हमको दीवाना कर गये’, ‘सिंग इज ब्लिंग’, ‘तेरे नाम’ आणि ‘टोटल धमाल’ यासह अनेक चित्रपटांसाठी गाणी गायली आहेत. या सर्व चित्रपटांमधून शानने आपल्या सुंदर आवाजाने प्रेक्षकांची मने जिंकली आहेत.
हेही वाचा :
Before You Go
Anandache Paan : 'खोचक रेषा' या पुस्तकाच्या निमित्ताने लेखक अभिमन्यू कुलकर्णी यांच्यासोबत गप्पा
महत्त्वाच्या बातम्या
