Sara Ali Khan Birthday : बॉलिवूड अभिनेत्री सारा अली खान (Sara Ali Khan) आज (12 ऑगस्ट) तिचा 27वा वाढदिवस साजरा करत आहे. सारा अली खानचा जन्म 12 ऑगस्ट 1995 रोजी बॉलिवूडच्या ‘पतौडी’ घराण्यात झाला. साराचे वडील सैफ अली खान (Saif Ali Khan) आणि आई अमृता सिंह (Amruta Singh) दोघेही प्रसिद्ध कलाकार आहेत. केवळ आई-वडीलच नव्हे तर, आजी देखील सुप्रसिद्ध अभिनेत्री असल्याने सारावर लहानपणापासूनच अभिनयविश्वाचा प्रभाव होता. आपणही अभिनेत्रीच व्हायचं, हे साराने बालपणीच ठरवले होते. आपलं बालपणीचं स्वप्न पूर्ण करणारी सारा आजघडीला एक यशस्वी अभिनेत्री बनली आहे.
सारा अली खानने फार कमी कालावधीत बॉलिवूडमध्ये स्वत:चे वेगळे स्थान निर्माण केले आहे. सैफची लाडकी लेक सारा अली खानने 2018मध्ये ‘केदारनाथ’ या चित्रपटाद्वारे बॉलिवूडमध्ये पदार्पण केले. या चित्रपटात तिच्यासोबत अभिनेता सुशांत सिंह राजपूत मुख्य भूमिकेत झळकला होता. साराने तिच्या पहिल्याच चित्रपटातून चाहत्यांची मने जिंकली. आजच्या आघाडीच्या अभिनेत्रींमध्ये सारा अली खान हिचे नाव अग्रक्रमी आहे.
लठ्ठपणामुळे नेहमी व्हायची ट्रोल
मनोरंजन विश्वात पदार्पण करण्यापूर्वी सारा अली खान हीच वजन तब्बल 96 किलो इतकं होतं. वाढत्या वजनामुळे आणि लठ्ठपणामुळे सारा नेहमी ट्रोल व्हायची. मात्र, अभिनेत्री होण्यासाठी साराने विशेष मेहनत घेतली. लठ्ठपणा हा त्याच्या स्वप्नांमधला सर्वात मोठा अडथळा होता. कॉलेजच्या दुसऱ्या वर्षाला असताना तिने व्यायाम करत आपले वजन कमी केले होते. लठ्ठपणावर मात करत तिने स्वतःला या झगमगाटी विश्वात स्थापित केले.
सोशल मीडियावरही साराची हवा!
अभिनेत्री सारा अली खान सोशल मीडिया प्लॅटफॉर्म इन्स्टाग्रामवर खूप सक्रिय आहे. कधी सारा अली खान तिच्या क्युट अंदाजामुळे, तर कधी बिकिनी परिधान करता बोल्ड अंदाजामुळे चर्चेत असते. साराचे फोटोही खूप व्हायरल होत असतात. सारा अली खान अनेकदा 'नॉक नॉक' आणि 'नमस्ते प्रेक्षक' हे व्हिडीओ देखील शेअर करते, जे तिच्या चाहत्यांना खूप आवडतात. सारा अली खानचे इंस्टाग्रामवर 40.9 मिलियन फॉलोअर्स आहेत आणि तिने आतापर्यंत 841 पोस्ट केल्या आहेत.
साराची कारकीर्द
सारा अली खानने अभिनेता सुशांत सिंह राजपूतसोबत ‘केदारनाथ’ या चित्रपटातून बॉलिवूडमध्ये पदार्पण केले होते. यानंतर सारा रणवीर सिंहसोबत ‘सिम्बा’ या चित्रपटात दिसली. या चित्रपटाचा दिग्दर्शक रोहित शेट्टी याने स्वतः म्हटले होते की, स्टारकिड असूनही साराने कोणतीही ओळख न वापरता स्वतःच्या मेहनतीने या चित्रपटातील भूमिका मिळवली होती. त्याच वेळी, सारा कार्तिक आर्यनसोबत ‘लव आज कल’ या चित्रपटात झळकली होती. यासोबतच सारा वरुण धवनसोबत ‘कुली नंबर’ या चित्रपटात दिसली होती. सारा अली खान शेवट ‘अतरंगी रे’ या चित्रपटात दिसली होती. अभिनेत्री लवकरच विकी कौशलसोबत एका चित्रपटात दिसणार आहे, ज्याचे नाव अद्याप ठरलेले नाही. त्याचबरोबर, ती विक्रांत मेस्सीसोबतही आगामी चित्रपटात चमकणार आहे.
हेही वाचा :
Sara Ali Khan : शिमरी आऊटफिटमध्ये साराचा 'किलर लूक', पाहा फोटो