Koffee With Karan 7: नॅशनल क्रश म्हणून ओळखली जाणारी अभिनेत्री रश्मिका मंदाना (Rashmika Mandanna) सोशल मीडियावर नेहमी चर्चेत असते. सध्या सोशल मीडियावर अशी चर्चा सुरू आहे की, रश्मिका ही प्रसिद्ध अभिनेता विजय देवरकोंडाला (Vijay Deverakonda) डेट करत आहे. रश्मिका आणि विजय यांनी अजून त्यांच्या नात्याबाबत कोणतीही घोषणा केली नाही. आता ‘कॉफी विद करण 7’ (Koffee With Karan 7) मध्ये अभिनेत्री सारा अली खाननं (Sara Ali Khan) रश्मिका आणि विजयच्या नात्याबाबत एक गौप्यस्फोट केला आहे.
सारानं दिली हिंट
कॉफी विथ करणच्या सातव्या सिझनमधील दुसऱ्या एपिसोडमध्ये सारा अली खान आणि जान्हवी कपूर यांनी हजेरी लावली. यावेळी सारानं रश्मिका आणि विजयच्या नात्याबाबत एक हिंट दिली. रॅपिड फायर राऊंडमध्ये जान्हवीनं रश्मिकाच्या इंस्टाग्रामवरील वाढत्या फॉलोअर्सबाबत सांगितलं. त्यावेळी सारानं विजयचं नाव घेतलं. विजय आणि रश्मिकाच्या नात्याबाबत सारानं दिलेल्या या हिंटनं अनेकांचे लक्ष वेधले.
साराला म्हणाली, 'विजय देवरकोंडाला करायचंय डेट'
सारा आणि जाह्नवी करणसोबत त्यांच्या वैयक्तिक आयुष्याबाबत चर्चा करताना दिसत आहेत. प्रोमोमध्ये दिसत आहे की, करण हा साराला विचारतो की, तिला कोणत्या व्यक्तीला डेट करायला आवडेल? यावर सारा म्हणते, 'विजय देवरकोंडा' सारा जेव्हा विजयचं नाव घेते तेव्हा जाह्नवी तिला पाहून हसायला लागते. त्यानंतर करण जाह्नवीला म्हणतो, 'तू नेहमी विजयसोबत असते तुला तो आवडतो का?'
रश्मिका आणि विजयचे चित्रपट
लवकरच रश्मिका बॉलिवूड पदार्पण येणार आहे. ती अभिनेता सिद्धार्थ मल्होत्रासोबत ‘मिशन मजनू’ या चित्रपटात काम करणार आहे. तर विजय देवरकोंडाचा ‘लायगर’ हा चित्रपट देखील 25 ऑगस्टला रिलीज होणार आहे. रिपोर्टनुसार, रश्मिका आणि विजय हे हैद्राबादमधील एकाच जिममध्ये जातात. तसेच यावर्षीचे न्यूईअर सेलिब्रेशन देखील त्यांनी एकत्र केलं. न्यू ईयर सेलिब्रेशन करण्यासाठी रश्मिका आणि विजय हे गोव्याला गेले होते.
हेही वाचा: