सलमान खानचा आपल्या वाढदिवसाचा केक कापतानाचा व्हिडीओ सध्या सोशल मीडियावर प्रचंड व्हायरल होत आहे. या व्हिडीओमध्ये सलमान खानसोबत त्याचे वडिल सलीम खान, बहिण अर्पिता खान शर्मा आणि त्याचा बॉडीगार्ड शेरासह इतरही लोक उपस्थित आहेत. व्हिडीओमध्ये सलमानने आपला भाचा आहिलसोबत केक कापला.
पाहा व्हिडीओ :
बॉलिवूडचा दबंग सलमान खान आपला वाढदिवस आपलं कुटुंब, मित्र आणि इतर सेलिब्रिटींसह सेलिब्रेट करतो. सेलिब्रेशनच्या या व्हिडीओमध्ये सलीम खान, आहिल खान, अर्पिता खान शर्मा आणि इतर लोक सलमानसाठी 'हॅपी बर्थडे' गाणं गाताना दिसत आहेत. नेहमीप्रमाणे सलमान यावेळीही आपली सिग्नेचर स्टाइल आणि लूकमध्ये दिसून आला. बॉलिवूडचा चुलबूल पांडे आपल्या वाढदिवशी रिप्ड डेनिमसोबत ब्लू टीशर्ट आणि चॉकलेट ब्राउन जॅकेटमध्ये दिसून आला. अनेकांच्या गळ्यातील ताईत असलेला बॉलिवूडच्या या दबंग खानचा अंदाज लय भारी होता.
दरम्यान, काही दिवसांपूर्वी सलमान खानचा 'दबंग 3' बॉक्स ऑफिसवर धुमाकूळ घालत आहे. या चित्रपटात सलमान खानसोबत सोनाक्षी सिन्हा, साई मांजरेकर, किचा सुदीप आणि अरबाज खान मुख्य भूमिकेत आहे. प्रभू देवाने या चित्रपट दिग्दर्शित केला आहे. 2020मध्ये ईदसाठी भाईजानचा मोस्ट अवेटेड चित्रपट 'राधे: योर मोस्ट वांटेड भाई' रिलीज होणार आहे. या चित्रपटात सलमान खानसोबत दिशा पाटनी, जॅकी श्रॉफ आणि रणदीप हुडा दिसून येणार आहेत.
संबंधित बातम्या :
सलमान खान WWE चॅम्पियन होणार, चॅम्पियनशिप बेल्टसुद्धा मिळणार
कंगना रणौतच्या 'पंगा' चित्रपटाचा ट्रेलर लॉन्च, फक्त 24 तासांत 44 मिलियन व्ह्यूज
62 पुरस्कार पटकावणाऱ्या 'स्‍कॉटलॅन्ड' चित्रपटाला ऑस्करसाठी नामांकन
CAA वर बोलणं महागात, हरियाणा सरकारने परिणीती चोप्राला ब्रॅण्ड अॅम्बेसिडर पदावरुन हटवलं