Riya Sen Birthday : रिया सेन (Riya Sen) ही अशा बॉलिवूड अभिनेत्रींपैकी आहे, ज्यांच्या कारकिर्दीला वादांमुळे ग्रहण लागले आणि ते कधीच संपले नाही. आज (24 जानेवारी) रिया सेनचा वाढदिवस आहे. प्रसिद्ध हिंदी आणि बंगाली चित्रपट अभिनेत्री मुनमुन सेन (Munmun Sen) यांची मुलगी, अभिनेत्री रिया सेन आज तिचा 41वा वाढदिवस साजरा करत आहे. तिच्या हिट चित्रपटांपैकी फक्त 'स्टाईल', 'झंकार बीट्स' आणि 'अपना सपना मनी-मनी' हेच चित्रपट लक्षात राहतात. पण, तिच्याशी निगडित वाद लोकांना अधिक आठवतात.
राजघराण्याची राजकन्या
रियाने 1991मध्ये बालकलाकार म्हणून तिच्या अभिनय कारकिर्दीला सुरुवात केली. रिया ही भरत देव वर्मा (Bharat Dev Varma) आणि मुनमुन सेन यांची मुलगी आहे. रिया सेन त्रिपुराच्या राजघराण्यातील ‘राजकन्या’ आहे. तिचे वडील भरत देव वर्मा हे कूचबिहारच्या राणी इला देवी यांचे पुत्र आहेत.
‘बी ग्रेड’ चित्रपटांमध्येही केलेय काम
रियाला पहिली ओळख फाल्गुनी पाठकच्या 'चुडी जो खनकी हाथो में' या गाण्यातून मिळाली. स्टार किड असूनही रिया यशस्वी अभिनेत्री म्हणून स्वत:ला स्थापित करू शकली नाही. रिया नेहमीच तिच्या चित्रपटांमध्ये बोल्ड आणि हॉट सीन्ससाठी चर्चेत राहिली. आता रिया पूर्णपणे बंगाली चित्रपटांकडे वळली आहे.
अफेअरची लांबलचक यादी..
रिया तिच्या अफेअर्समुळेही नेहमीच चर्चेत राहिली आहे. अभिनेता अक्षय खन्नापासून ते लेखक सलमान रश्दी यांच्यापर्यंत, अनेकांशी तिचे नाव जोडले गेले. रश्दी यांचे वय रियापेक्षा दुप्पट होते. दोघांनी ही गोष्ट कधीच मान्य केली नाही, पण काही काळ रिलेशनशिपमध्ये राहिल्यानंतर दोघेही वेगळे झाले. 2011मध्ये रिया अनेक वेळा स्टेडियममध्ये श्रीसंतला चिअर करताना दिसली होती. रिया सेनने 2017 मध्ये तिचा प्रियकर शिवम तिवारीसोबत एका खाजगी समारंभात लग्न केले.
एमएमएस केस
रियाच्या आयुष्यातील सर्वात मोठा वाद म्हणजे तिचा अभिनेता अश्मित पटेलसोबतचा लीक एमएमएस. या व्हिडीओमध्ये ते एकमेकांना चुंबन घेताना दिसले होते. 2005 मध्ये रिया आणि अश्मित रिलेशनशिपमध्ये होते. त्यादरम्यान रियाचा एक चित्रपट प्रदर्शित होणार होता. रियानेच प्रसिद्धीसाठी हा व्हिडीओ लीक केला, असा आरोपही तिच्यावर करण्यात आला होता. मात्र, दोघांनीही हा व्हिडिओ फेक असल्याचे म्हटले होते.
संबंधित बातम्या
- 'द कपिल शर्मा शो'मुळे विराट कोहलीला तीन लाख रूपयांचा फटका; तुम्हाला माहितीये का किस्सा?
- Shraddha Kapoor : श्रद्धा कपूर का दिसते स्लिम ट्रिम? जाणून घ्या तिचा डाएट प्लॅन
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोड पाहा लाईव्ह - ABP Majha