अनिल सांगतो की, तो नेहमी अॅक्टिव्ह राहतो, सतत सकारात्मक विचार करतो. याबाबत अनिल म्हणाला की, मी अजूनही स्वतःला 24 वर्षांचा समजतो. मी कधीच स्वस्थ बसत नाही. मी आठवड्याचे सहा दिवस माझा ठरलेला वर्काऊट आणि डाएट फॉलो करतो. त्यामुळे कदाचित मी अजूनही यंग आणि फिट आहे.
अनिल कपूरचा डाएट प्लॅन
अनिल दिवसाची सुरुवात एक कप चहाने करतो. त्याशिवाय दिवसभरात तो भरपूर पाणी पितो. अजूनही तरुण दिसण्यामागे हे मोठे रहस्य आहे. अनिल सकाळी ब्रेकफास्टमध्ये प्रोटीनयुक्त पदार्थ खाण्यास प्राधान्य देतो. त्यामध्ये प्रामुख्याने त्याला ओट्स,उकडलेली अंडी किंवा ऑम्लेट खायाला आवडते. तसेच तो विविध प्रकारची फळे किंवा त्यांचा रस पितो. तो लंचमध्ये फळे, सलाड, चपाती-भाजी किंवा भात खातो. रात्रीच्या जेवणात ग्रिल्ड फिश किंवा चिकन खाणे अनिलला खूप आवडते. काही वेळा तो मिक्स पालेभाज्यादेखील खातो.
अनिलचा वर्काऊट प्लॅन
अनिल आठवड्यातून सहा दिवस वर्काऊट करतो. त्यामध्ये दररोद 2 तास व्यायाम करतो. सुरुवातीला 10 मिनिटे कार्डिओ एक्सरसाईजनंतर 30 ते 45 मिनिटे हॉट योगा करतो. त्यानंतर 1 तासात तो पुश अप्स, पुल अप्स अणि इतर वर्काऊट फॉलो करतो. तसेच अनिल वेळ काढून सायकलिंग करतो. तर काही वेळा जॉगिंगदेखील करतो.