RRR चित्रपटातील अजय देवगणचा पहिला लूक समोर, सोशल मीडियावर धुरळा
अजयचा हा लूक चाहत्यांना खूप भावला आहे. यापूर्वी सकाळी मोशन व्हिडिओ रिलीज करण्यात आला होता आणि आता हे पोस्टर रिलीज करण्यात आले असून अजय देवगणचा (Ajay Devgan) पहिला लूक समोर आला आहे.
अभिनेता अजय देवगण (Ajay Devgan) आज आपला वाढदिवस साजरा करीत आहेत. या खास दिवशी प्रसिद्ध दाक्षिणात्य दिग्दर्शक एस.एस. राजामौली यांनी अजयला जबरदस्त भेट दिली आहे. ‘आरआरआर’ चित्रपटातील अजयचा पहिला लूक उघड केला आहे. ज्यामध्ये तो अतिशय दमदार स्टाईलमध्ये दिसत आहे. अजयचा हा लूक चाहत्यांना खूप प्रभावित करत आहे. यापूर्वी सकाळी मोशन पोस्टर रिलीज करण्यात आले होते आणि आता हे पोस्टर रिलीज करण्यात आले असून अजय देवगनच्या फर्स्ट लूकचा खुलासा झाला आहे.
AJAY DEVGN: #RRR POSTER... After unveiling the motion poster at 12 noon, Team #RRR unveils the first look poster featuring the actor... #RRRMovie stars #JrNTR, #RamCharan, #AjayDevgn and #AliaBhatt... Directed by #SSRajamouli. pic.twitter.com/wdP456WQZY
— taran adarsh (@taran_adarsh) April 2, 2021
चित्रपटात अजयची दमदार एन्ट्री
गेल्या काही वर्षांपासून अजय देवगण चित्रपटात त्याच्या एन्ट्रीकडे विशेष लक्ष देत आहे. मग तो सिंघम असो वा तन्हाजी, या वेळीही असेच काही घडणार आहे. आरआरआरमध्ये अजय देवगणची तुफान एन्ट्री होणार असल्याचे दिसत आहे. या प्रवेशावर टाळ्यांचा कडकडाट होणार आहे. आज स्वत: अजय देवगनने 1 मिनिटाचा एक व्हिडिओ शेअर केला आहे, ज्यामध्ये कदाचित त्याच्या चित्रपटातील एन्ट्रीचे दृश्य समोर आले आहे. ज्या पद्धतीने हे दृश्य चित्रित केले गेले आहे ते खरोखर आकर्षक आहे. हा व्हिडिओ पाहताना लोकांच्या मनात सस्पेन्स तयार झाला आहे.
View this post on Instagram
आता ट्रेलरची आतुरता
या चित्रपटाचा व्हिडिओ आणि पोस्टर रिलीज झाल्यानंतर आता चाहते आतुरतेने ट्रेलरची प्रतीक्षा करत आहे. ट्रेलर रिलीजला अजून बराच वेळ शिल्लक आहे. कारण हा चित्रपट यावर्षी दसऱ्याच्या मुहूर्तावर प्रदर्शित होणार आहे. तर चित्रपटाचा ट्रेलर रिलीजच्या तारखेच्या अगोदर लाँच होईल आणि तोपर्यंत चाहत्यांना त्यांची उत्सुकता नियंत्रणात ठेवावी लागेल. या चित्रपटात राम चरण आणि आलिया भट्टदेखील दिसणार आहेत, ज्यांचे लूकही समोर आले आहेत. या चित्रपटातील रामचरणच्या व्यक्तिरेखेचे नाव अल्लुरी सीता रामराजू आणि आलिया भट्ट सीता असेल. दाक्षिणात्य भाषा व्यतिरिक्त हा चित्रपट हिंदीमध्येही प्रदर्शित होणार आहे.
महत्त्वाच्या बातम्या
