Godfather Advance Booking : दसऱ्याच्या मुहूर्तावर आज 'गॉडफादर' (Godfather) सिनेमा प्रेक्षकांच्या भेटीला येणार आहे. या सिनेमात दाक्षिणात्य अभिनेता चिरंजीवी (Chiranjeevi) आणि बॉलिवूड अभिनेता सलमान खान (Salman Khan) मुख्य भूमिकेत आहे. या सिनेमाने रिलीजआधीच कोट्यवधींची कमाई केली आहे.
गेल्या अनेक दिवसांपासून 'गॉडफादर' हा सिनेमा चर्चेत आहे. या सिनेमाची प्रेक्षक प्रतीक्षा करत होते. अॅडव्हांस बुकिंगमध्ये या सिनेमाने कोट्यवधींची कमाई केली आहे. फर्स्ट डे फर्स्ट शोची क्रेझ भाईजान आणि चिरंजीवीच्या चाहत्यांमध्ये दिसून येत आहे. 'गॉडफादर' हा सिनेमा 'लूसिफर' या ब्लॉकबस्टर मल्याळम सिनेमाचा रिमेक आहे.
दाक्षिणात्य सिनेप्रेक्षकांमध्ये गॉडफादरची क्रेझ
'गॉडफादर' या सिनेमाची दाक्षिणात्य सिनेप्रेक्षकांमध्ये चांगलीच क्रेझ पाहायला मिळत आहे. ओपनिंग डे चे या सिनेमाने 1.10 लाख तिकीट विकले आहेत. तर दाक्षिणात्य सिने-रसिकांनी अॅडव्हांस बुकिंगमध्ये 2.46 कोटींची कमाई केल्याचं समोर आलं आहे. तर 'गॉडफादर'च्या हिंदी वर्जनचे रिलीजआधीच 10 लाख तिकीट विकले गेले आहेत. त्यामुळे रिलीजआधीच या सिनेमाने पाच कोटींची कमाई केल्याचा अंदाज वर्तवला जात आहे.
'गॉडफादर'च्या माध्यमातून भाईजान करणार दाक्षिणात्य सिनेसृष्टीत पदार्पण
'गॉडफादर' या सिनेमाच्या माध्यमातून बॉलिवूडचा सुपरस्टार सलमान खान दाक्षिणात्य सिनेसृष्टीत पदार्पण करणार आहे. सलमान आणि चिरंजीवीसह या सिनेमात नयनतारा, सत्यदेव कांचन आणि जय प्रकाश हे कलाकारदेखील महत्त्वाच्या भूमिकेत आहेत. या सिनेमात प्रेक्षकांना अॅक्शनचा तडका पाहायला मिळणार असून बॉक्स ऑफिसवर हा सिनेमा चांगलाच धुमाकूळ घालणार आहे.
संबंधित बातम्या