Gangubai Kathiawadi Trailer : संजय लीला भन्साळी (Sanjay Leela Bhansali) यांनी दिग्दर्शित केलेला ‘गंगूबाई काठियावाडी’(Gangubai Kathiawadi) हा चित्रपट 25 फेब्रुवारी 2022 रोजी प्रदर्शित होणार आहे. या चित्रपटामध्ये अभिनेत्री आलिया भट्ट (Alia Bhatt) ही प्रमुख भूमिका साकारणार आहे. ‘गंगूबाई काठियावाडी’ चा ट्रेलर नुकताच प्रदर्शित झाला आहे.
आलियानं गंगूबाई काठियावाडी चित्रपटाचा ट्रेलर शेअर करून आलियानं कॅप्शनमध्ये लिहिले, 'गंगूबाई जिंदाबाद. गंगूबाई काठियावाडी 25 फेब्रुवारी 2022 रोजी येणार प्रेक्षकांच्या भेटीस.' ट्रेलरमध्ये आलिय भटसोबत अभिनेता अजय देवगण देखील महत्वाच्या भूमिकेत दिसत आहे. ट्रेलरमधील आलियाच्या डॅशिंग अंदाजानं आणि डायलॉग्सनं प्रेक्षकांचं मनं जिंकलं. आता हा ट्रेलर पाहून नेटकऱ्यांनी आलियाच्या अभिनयाचं कौतुक केलं आहे.
गेल्या वर्षी नोव्हेंबरमध्ये या चित्रपटाची रिलीज डेट 18 फेब्रुवारी 2022 निश्चित करण्यात आली होती. मात्र, कोरोनाचा वाढता संसर्ग पाहता त्याची रिलीज डेट पुन्हा एकदा लांबणीवर टाकण्याचे नियोजन करण्यात आले होते. अखेर 25 फेब्रुवारीला हा चित्रपट प्रेक्षकांच्या भेटीला येणार आहे. काल (गुरूवार) आलियानं या चित्रपटाचा पोस्टर रिलीज केला होता. पोस्टर शेअर करून आलियानं आज (शुक्रवार) या चित्रपटाचा ट्रेलर प्रदर्शित होणार असल्याची माहिती दिली होती.
महत्वाच्या बातम्या :
Mister Mummy First Look : रितेश आणि जेनेलियानं दिली 'गूड न्यूज' ; 'मिस्टर मम्मी'चा पोस्टर रिलीज
Gangubai Kathiawadi: 'आ रही है गंगू'; बहुचर्चित गंगूबाई काठियावाडीचं नवा पोस्टर प्रदर्शित
LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha