Gauri Khan Birthday : Farha Khan ने इमोशनल पोस्ट करत दिल्या गौरी खानला शुभेच्छा, आर्यनच्या काळजीत गौरी

Farha Khan Wishes Gauri : कोरिओग्राफर आणि दिग्दर्शक फराह खानने गौरी खानला जुना फोटो शेअर करत दिल्या आहेत शुभेच्छा

फराह_-गौरी_-_शाहरुख_खान

Farah Khan Saying She is Strongest Mother : आर्यन खानचे ड्रग्ज प्रकरण आणि अटकेमुळे खान परिवाराचे सांत्वन करण्यासाठी बॉलिवूडचे अनेक कलाकार पुढे येत आहेत. तसेच खान परिवाराची हिमंत वाढविण्याचा प्रयत्न करीत आहेत. फराह खानने देखील आता गौरीला वाढदिवसाच्या शुभेच्छा देताना तिची हिंमत वाढविण्याचा प्रयत्न केला आहे. फराहने एक जुना फोटो शेअर करत गौरीची हिमंत वाढवायचा प्रयत्न केला आहे. 

फराहने पोस्टमध्ये काय लिहलंय? 
आज गौरी खानचा वाढदिवस आहे. शाहरुख आणि गौरीसोबत फराहचे कौटुंबिक संबंध असल्याने तिने इंस्टाग्रामवर एक फोटो शेअर केला आहे. हा गौरी आणि शाहरुखचा जुना फोटो आहे. त्या फोटोवर फराहने कॅप्शन लिहिले आहे, की "एका आईच्या हिमतीची तुलना कशासोबतच होऊ शकत नाही. आई-वडिलांच्या प्रार्थनेत इतकी शक्ती असते की ते एखादा डोंगरदेखील हालवू शकतात". त्यासोबत फराहने गौरीला वाढदिवसाच्या शुभेच्छादेखील दिल्या आणि लिहिले, "मागील आठवड्यात मी जगातली सगळ्यात सामर्थ्यवान आई पाहिली". तिने शाहरुख आणि गौरीचा जुना एकत्रित फोटो शेअर करत गौरीला वाढदिवसाची भेट दिली. आणि असे लिहिले की, "हा फोटो म्हणजे आतापर्यंतची सगळ्यात छान भेट आहे". 

फराह गेली होती 'मन्नत'मध्ये
फराहने शाहरुख आणि गौरीची मन्नतमध्ये जाऊन भेट घेतली. सध्या आर्यन खानच्या अटकेमुळे बॉलिवूड  कलाकार शाहरुख आणि गौरीचे सांत्वन करीत आहेत. शाहरुख आणि गौरीच्या फराह खूप जवळची आहे. 

आर्यन खानचे वकील कोर्टात काय म्हणाले?
गुरुवारी रिमांड वाढवण्याच्या एनसीबीच्या विनंतीला विरोध करताना आर्यनचे वकील सतीश मानेशिंदे म्हणाले की, त्याच्या क्लायंटचा इतर कोणत्याही आरोपीशी संबंध नाही. आर्यन 'VVIP Guest' म्हणून क्रूझवर होता आणि 'बॉलिवूडशी संबंधित व्यक्तीला क्रूझमध्ये ग्लॅमर जोडायचे होते आणि त्यामुळे आर्यनला आमंत्रित करण्यात आले होते' असा दावा वकीलाने केला.

कधी झाली अटक?
आर्यन खान, मुनमुन धमेचा आणि अरबाज मर्चंट यांना एनसीबीने 3 ऑक्टोबर रोजी गोवाला जाणाऱ्या क्रूझवर छापेमारीदरम्यान अटक केली होती, तर उर्वरित पाच इतर आरोपींना दुसऱ्या दिवशी अटक करण्यात आली होती. रिमांड कालावधी संपल्यानंतर आरोपींना अतिरिक्त मुख्य महानगर दंडाधिकारी आर एम नेर्लीकर यांच्यासमोर हजर करण्यात आले. येथून त्याला 14 दिवसांची न्यायालयीन कोठडी सुनावण्यात आली.