प्रेक्षकांनी गौरवलेल्या 'जंगल बुक'चा सिक्वेल येणार

लॉस अँजेलस : फक्त भारतातीलच नव्हे, तर जगभरातील प्रेक्षकांनी गौरवलेल्या 'द जंगल बुक' चित्रपटाचा लवकरच सिक्वेल येणार आहे. 'द जंगल बुक', 'मॅलेफिशंट' या चित्रपटांच्या सिक्वेल काढण्यावर डिस्ने स्टुडिओने शिक्कामोर्तब केलं आहे.   डिस्नेच्या बॅनरअंतर्गत बनलेला हा 1967 मध्ये आलेल्या सिनेमाचं अॅनिमेटड व्हर्जन आहे. मुंबईत जन्मलेल्या रुडगार्ड किप्लिंग यांच्या पुस्तकावर आधारित 'जंगल बुक' हे कार्टून जगभरात गाजलं होतं. प्रदर्शित झाल्यानंतर केवळ दहा दिवसात सिनेमाने 100 कोटींहून अधिक रुपयांचा गल्ला जमवला आहे. 'द जंगल बुक' पहिल्यांदा भारतात रिलीज झाला. 8 एप्रिलला भारतात प्रदर्शित झाल्यानंतर हा  चित्रपट आठवडाभराने अमेरिकेत रिलीज झाला.  

‘द जंगल बुक’ आणखी सुसाट, विकेंडला बक्कळ कमाई

सिनेमाचं वैशिष्ट्य म्हणजे संपूर्ण सिनेमात एकच मानवी पात्र आहे, ते म्हणजे मोगलीचं. मोगलीची भूमिका साकारणारा लहानगा नील सेठीवर सर्व प्रेक्षकांनी कौतुकाचा वर्षाव केला आहे. प्रियंका चोप्रा, इरफान खान, नाना पाटेकर, ओम पुरी, शेफाली शाह, नील सेठी यांचे व्हॉईस ओव्हर व्यक्तिरेखांना लाभले आहेत.  

ना 100, ना 200, ना 300 कोटी, अवघ्या सात दिवसात 'द जंगल बुक'ची कमाई...

  जंगल बुकचे दिग्दर्शक जॉन फॅवरो आणि लेखक जस्टिन मार्क्स पुन्हा एकदा प्रेक्षकांना अॅडव्हेंचर घडवण्यासाठी सज्ज आहेत. दुसरीकडे अभिनेत्री अँजेलिना जोली 'मॅलेफिशंट'च्या सिक्वेलमधून पुन्हा रुपेरी पडदा गाजवण्यास सज्ज झाली आहे.   सोबतच इतरही अनेक चित्रपटांचे सिक्वेल डिस्ने आणणार आहे. मात्र हे सिनेमे वेगवेगळ्या पातळींवर असून त्यातील काही चित्रपट रद्दही होऊ शकतात, अशीही माहिती आहे.