Disha Parmar Rahul Vaidya Good News : लोकप्रिय गायक राहुल वैद्य (Rahul Vaidya) आणि छोट्या पडद्यावरील अभिनेत्री दिशा परमार (Disha Parmar) 2021 साली लग्नबंधनात अडकले. आता दिशा आणि राहुल लवकरच आई-बाबा होणार आहेत. सोशल मीडियाच्या माध्यमातून या जोडप्याने चाहत्यांना आता गुडन्यूज दिली आहे. 


राहुल वैद्य-दिशा परमारची खास पोस्ट (Rahul Vaidya Disha Parmar Shared Post)


दिशा परमार आणि राहुल वैद्यने हटके पद्धतीत चाहत्यांना गुडन्यूज दिली आहे. सोशल मीडियावर त्यांनी एक फोटो शेअर केला आहे. या फोटोमध्ये दोघेही आनंदी दिसत असून राहुल वैद्यच्या हातात एक पाटी आहे. या पाटीवर 'आई आणि बाबा' असं लिहिलेलं दिसत आहे. हा फोटो शेअर करण्यासोबत त्यांनी सोनोग्राफी रुममधला एक फोटो आणि व्हिडीओदेखील शेअर केला आहे. हा बाळाचा अल्ट्रासाऊंड फोटो लक्ष वेधून घेणारा आहे. 






राहुल वैद्य आणि दिशा परमारने व्हिडीओ शेअर करत लिहिलं आहे,"आई-बाबा आणि बाळातर्फे सर्वांना नमस्कार". राहुल आणि दिशाने शेअर केलेल्या फोटोमध्ये राहुलने काळा टीशर्ट आणि जीन्स तर दिशाने काळ्या रंगाचा वनपीस घातला आहे. दोघेही आनंदी दिसत असून दिशाच्या चेहऱ्यावर प्रेग्नंसी ग्लो दिसत आहे. तसेच अभिनेत्रीचे बेबी बंपदेखील दिसून येत आहेत. 


सेलिब्रिटींकडून अभिनंदनाचा वर्षाव


राहुल वैद्य आणि दिशा परमारचा फोटो सोशल मीडियावर व्हायरल होत आहे. या फोटोवर चाहत्यांसह सेलिब्रिटींकडून अभिनंदनाचा वर्षाव होत आहे. मौनी रॉय, जस्मीन भसीन, वरुण सूद, अनीता हसनंदानी, अली गोनीसह अनेक सेलिब्रिटींनी राहुल आणि दिशाला शुभेच्छा दिल्या आहेत.


राहुल वैद्य आणि दिशा परमार 16 जुलै 2021 साली लग्नबंधनात अडकले. विशेष म्हणजे राहुलने 'बिग बॉस 14'च्या (Bigg Boss) घरात दिशाला प्रपोज केलं होतं. सोशल मीडियावर राहुल आणि दिशा एकमेकांसोबतचे रोमॅंटिक फोटो शेअर करत असतात. राहुल 'बिग बॉस 14' आणि 'खतरों के खिलाडी 11'मध्ये दिसून आला आहे. दर दिशा 'बडे अच्छे लगते है 2'च्या माध्यमातून घराघरांत पोहोचली आहे. 


संबंधित बातम्या


Rahul Disha Wedding Photos: टेलिव्हिजन स्टार राहुल वैद्य आणि दिशा परमार यांच्या विवाहाचे फोटो पाहिले का?