Deepika Padukone Character: अभिनेता शाहरुख खानच्या (Shah Rukh Khan) जवान (Jawan) या चित्रपटाची प्रेक्षक उत्सुकतेने वाट बघत आहेत. या चित्रपटाचा प्रीव्यू काल (10 जुलै) प्रेक्षकांच्या भेटीस आला. या प्रीव्यूनमध्ये जवान चित्रपटाच्या स्टार कास्टची झलक दाखवण्यात आली आहे. जवान चित्रपटाच्या प्रीव्यूमधील दीपिका पादुकोणच्या (Deepika Padukone) च्या लूकनं अनेकांचे लक्ष वेधले आहे. आता जवान चित्रपटाचा प्रीव्यू पाहिल्यानंतर नेटकऱ्यांना काही प्रश्न पडले आहेत.
जवान चित्रपटाच्या प्रीव्यूमध्ये दीपिकाच्या एका फाइट सीनची झलक दिसते. आता अनेक नेटकऱ्यांना असा प्रश्न पडला आहे की, जवान या चित्रपटामध्ये दीपिका ही शाहरुखच्या आईची भूमिका साकाणार आहे का?
नेटकऱ्यांचे ट्वीट्स
एका युझरनं ट्वीट शेअर करुन असा प्रश्न उपस्थित केला आहे की, 'जवान चित्रपटात दीपिका ही शाहरुखला तुरुंगात जन्म देणार का?' तर दुसऱ्या नेटकऱ्यानं ट्वीटमध्ये लिहिलं, 'जवान चित्रपटात दीपिका शाहरुखची आई होऊन कॅमिओ करणार आहे का?'
एका नेटकऱ्यानं ट्वीटमध्ये लिहिलं, 'मला वाटते जवानमध्ये हेच होणार आहे की, दीपिका ही आई आहे जिच्यावर विजयच्या भूमिकेनं अत्याचार केला आणि त्यानंतर ती एसआरके तुरुंगात जन्म देते आणि मरण पावते. एसआरके केवळ महिला असणाऱ्या तुरुंगात वाढतो.' आता दीपिका ही जवान चित्रपटामध्ये कोणती भूमिका साकारणार आहे? या प्रश्नाचं उत्तर लवकरच प्रेक्षकांना मिळणार आहे.
विजय सेतुपती, नयनतारा, दीपिका पादुकोण हे कलाकार देखील जवान या चित्रपटामध्ये प्रमुख भूमिका साकारणार आहेत. हा चित्रपट 7 सप्टेंबर रोजी प्रेक्षकांच्या भेटीस येणार आहे.
वाचा इतर महत्वाच्या बातम्या: