OMG 2 Teaser Out: अभिनेता अक्षय कुमारचा (Akshay Kumar) ओएमजी-2 (OMG 2) हा चित्रपट लवकरच प्रेक्षकांच्या भेटीस येणार आहे. या चित्रपटामधील लूकचा फोटो काही दिवसांपूर्वी अक्षयनं सोशल मीडियावर शेअर केला होता. ओएमजी-2 या चित्रपटामधील अक्षयच्या लूकनं अनेकांचे लक्ष वेधले. आता या चित्रपटाचा टीझर प्रेक्षकांच्या भेटीस आला आहे.
ओएमजी-2 चित्रपटाच्या टीझरच्या सुरुवातीला कांती शरण मुद्गल हे दिसत आहे. टीझरमध्ये दिसते की कांती शरण मुद्गल हे भगवान शंकराचे भक्त आहेत. ते शंकराची पूजा करतात. कांती शरण मुद्गल ही भूमिका अभिनेते पंकज त्रिपाठी (Pankaj Tripathi) यांनी साकारली आहे. त्यानंतर टीझरमध्ये अक्षय कुमारची एन्ट्री होते. "रख विश्वास, तू है शिव का दास" हा अक्षय कुमारचा डायलॉग टीझरमध्ये ऐकू येतो. आता कांती शरण मुद्गल यांच्या आयुष्यात काय घडतं? हे ओएमजी-2 या चित्रपटात दाखवण्यात आलं आहे.
अक्षयनं ओएमजी-2 या चित्रपटाचा टीझर सोशल मीडियावर शेअर केला आहे. या टीझरला त्यानं कॅप्शन दिलं, 'रख विश्वास, 11 ऑगस्टला ओएमजी-2 थिएटरमध्ये रिलीज होत आहे.'
पाहा 'ओएमजी-2'चा टीझर
ओएमजी-2 ची स्टार कास्ट
ओएमजी-2 हा चित्रपट 11 ऑगस्ट रोजी प्रेक्षकांच्या भेटीस येणार आहे. या चित्रपटात अक्षय कुमार, पंकज त्रिपाठी आणि यामी गौतम या कलाकारांनी प्रमुख भूमिका साकारली आहे.
अक्षय कुमारचा ओएमजी (OMG) हा चित्रपट 2012 मध्ये रिलीज झाला होता. एका मुलाखतीमध्ये अक्षयनं सांगितलं होतं की, ओएमजी चित्रपटाच्या शूटिंग दरम्यान अक्षयनं नॉन व्हेज खाणं बंद केलं होतं. आता 11 वर्षानंतर ओएमजी या चित्रपटाचा रिमेक प्रेक्षकांच्या भेटीस येत आहे. ओएमजी-2 या चित्रपटाची प्रेक्षक उत्सुकतेने वाट बघत आहेत.
अक्षयचा काही दिवसांपूर्वी प्रदर्शित झालेला 'सेल्फी' (Selfiee) हा चित्रपट फ्लॉप ठरला. आता त्याच्या आगामी चित्रपटांची त्याचे चाहते उत्सुकतेने वाट बघत आहेत. आता ओह माय गॉड 2 या चित्रपटाला प्रेक्षकांची पसंती मिळेल की नाही? याकडे अनेकांचे लक्ष लागले आहे.
इतर महत्त्वाच्या बातम्या:
OMG 2 Release Date: 'ओएमजी 2' ची रिलीज डेट जाहीर; अक्षय कुमारनं शेअर केलं पोस्टर, लूकनं वेधलं लक्ष