Coronavirus Trailer | राम गोपाल वर्मा यांच्या 'कोरोना व्हायरस' चित्रपटाचा ट्रेलर लॉन्च

लॉकडाऊनमध्येच चित्रपट निर्माते राम गोपाल वर्मा यांनी आपला आगामी चित्रपट 'कोरोना व्हायरस'चा ट्रेलर लॉन्च केला आहे. तसेच कोरोना व्हायरसवर आधारीत हा जगातील पहिला चित्रपट असल्याचा दावा ट्रेलरमध्ये करण्यात आला आहे.

मुंबई : संपूर्ण जगभरात कोरोना व्हायरससारख्या महामारीने हैदोस घातला आहे. सामान्य माणसांपासून अगदी सेलिब्रिटींपर्यंत सर्वचजण लॉकडाऊनमुळे आपल्या घरांणध्ये बंद आहेत. अशातच बॉलिवूडचा दबंग भाईजान सलमान खानने आपल्या फार्महाऊसवर एक गाण रेकॉर्ड करून शूट केलं. एवढचं नाहीतर हे गाणं त्याने रिलीजही केलं आहे. सलमान खाननंतर बॉलिवूड दिग्दर्शक राम गोपाल वर्माने आपल्या चित्रपटाचा ट्रेलर लॉन्च केला आहे. या चित्रपटाचं नाव आणि थिम सर्वांना हैराण करणारी आहे. या चित्रपटाचं नाव 'कोरोना व्हायरस' असून थीमदेखील कोरोनाच्या पार्श्वभूमीवर आहे.

राम गोपाल वर्मा या चित्रपटाचे निर्माते असून अगस्त्य मंजू यांनी या चित्रपटाचे दिग्दर्शन केलं आहे. हा चित्रपट तेलगूमध्ये तयार करण्यात आला आहे. चित्रपटाचा ट्रेलर चार मिनिटांपेक्षा मोठा आहे. यामध्ये अगस्त्य मंजू मुख्य भूमिकेत दिसून येत आहेत. हा चित्रपट श्रेयस ईटी अॅपवर रिलीज करण्यात येणार आहे. चित्रपटाच्या ट्रेलरच्या शेवटी दावा करण्यात आला आहे की, कोरोना व्हायरसवर आधारीत हा जगातील पहिला चित्रपट असणार आहे. परंतु, कन्नड दिग्दर्शक मुस्तफा केशवारी यांनी एप्रिलमध्येच 'कोरोना' नावाचा चित्रपट तयार केला आहे.

चित्रपटाचा ट्रेलर लॉन्च केल्यानंतर राम गोपाळ वर्मा यांनी सोशल मीडियावर सांगितलं की, 'चित्रपटाचं कथानक लॉकडाऊनवर आधारित आहे. हे लॉकडाऊन दरम्यान शूट करण्यात आलं आहे. त्यांनी सांगितलं की, 'मला सिद्ध करायचं होतं की, कोणीही माझं काम रोखू शकत नाही, मग तो देव असो वा कोरोना.'

राम गोपाल वर्मा यांचं ट्वीट :