Chiranjeevi, Godfather : ‘गॉडफादर’मध्ये दिसणार मेगास्टार चिरंजीवीचा जबरदस्त लूक! चित्रपटाचे पोस्टर पाहिलेत का?

Chiranjeevi, Godfather : ‘गॉडफादर’ (Godfather) हा साऊथचा चित्रपट प्रदर्शित होण्यापूर्वीच प्रचंड चर्चेत आहे. या चित्रपटात साऊथचा मेगास्टार अर्थात अभिनेता चिरंजीवी (Chiranjeevi) या चित्रपटात मुख्य भूमिकेत दिसणार आहे.

Chiranjeevi

Chiranjeevi, Godfather : सध्या दाक्षिणात्य चित्रपटसृष्टीत मनोरंजनाचा धडाका सुरु आहे. ‘गॉडफादर’ (Godfather) हा साऊथचा चित्रपट प्रदर्शित होण्यापूर्वीच प्रचंड चर्चेत आहे. या चित्रपटात साऊथचा मेगास्टार अर्थात अभिनेता चिरंजीवी (Chiranjeevi) या चित्रपटात मुख्य भूमिकेत दिसणार आहे. नुकताच या चित्रपटातील त्यांचा पहिला लूक रिलीज करण्यात आला. चिरंजीवीचा हा लूक पाहून चाहते देखील थक्क झाले आहेत. चाहतेच नाही तर, कलाकार देखील त्यांच्या या लूकला जबरदस्त म्हणत आहेत.

साऊथ सुपरस्तर चिरंजीवीचा हा चित्रपट या वर्षातील बहुप्रतीक्षित चित्रपटांपैकी एक आहे. चाहते या चित्रपटाची आतुरतेने वाट पाहत आहेत. हा चित्रपट अनेक कारणामुळे चाहते आणि प्रेक्षक यांच्यासाठी खास असणार आहे.

पाहा पोस्टर :

या पोस्टरमध्ये अभिनेता चिरंजीवी यांचा हटके लूक पाहायला मिळत आहे. काळी पँट, राखाडी कुर्ता आणि डोळ्यांवर काळा गॉगल असा त्यांचा जबरदस्त लूक दिसत आहे. या चित्रपटाचे दिग्दर्शन मोहन राजा करत असून, हा चिरंजीवी यांचा 153 चित्रपट असणार आहे.

कलाकारांनी केलं कौतुक!

चिरंजीवी यांचा मुलगा आणि प्रसिद्ध अभिनेता राम चरण याने देखील हे पोस्टर आपल्या सोशल मीडिया अकाऊंटवरून शेअर केलं आहे. हे पोस्टर शेअर करताना त्याने लिहिले की, ‘गॉडफादर आले आहेत’. या फोटोत चीरांजीवी यांचा हटके अंदाज पाहायला मिळत आहे. त्यांच्या या लूकने प्रेक्षकांची चित्रपटाबद्दलची उत्सुकता आणखी वाढवली आहे.

सलमान खानही करणार साऊथ डेब्यू!

चिरंजीवी यांच्या ‘गॉडफादर’ या बहुचर्चित आणि बहुप्रतीक्षित चित्रपटात बॉलिवूडचा ‘दबंग’ अर्थात अभिनेता सलमान खान देखील झळकणार आहे. सलमान खान ‘गॉडफादर’ या चित्रपटाद्वारे साऊथ मनोरंजन विश्वात पाऊल टाकणार आहे. आता सलमानला दाक्षिणात्य चित्रपटात पाहणे, ही त्याच्या चाहत्यांसाठी आनंदाची पर्वणीच असणार आहे. सलमान खान सोबतच या चित्रपटात अभिनेत्री नयनतारा देखील एका महत्त्वपूर्ण भूमिकेत दिसणार आहे.

‘गॉडफादर’ हा चित्रपट, मल्याळम चित्रपट ‘लुसिफर’चा रिमेक आहे. यात चिरंजीवी, सलमान खान आणि नयनतारा मुखू भूमिकेत दिसणार आहेत.

हेही वाचा :