Chiranjeevi : चिरंजीवीला कॅन्सर? अभिनेत्याने ट्वीट करत दिली माहिती; म्हणाला,"कॅन्सरबद्दल..."

Chiranjeevi : चिरंजीवीला कॅन्सर झाल्याच्या चर्चांवर अभिनेत्याने महत्त्वाची माहिती दिली आहे.

Chiranjeevi

Chiranjeevi : दाक्षिणात्य सिनेसृष्टीतील मेगास्टार चिरंजीवी (Chiranjeevi)  सध्या चर्चेत आहे. सोशल मीडियाच्या माध्यमातून ते त्यांचं मत मांडत असतात. गेल्या काही दिवसांपूर्वी चिरंजीवीला कॅन्सरची झाल्याची चर्चा रंगली होती. यामुळे चिरंजीवीच्या चाहत्यांना मोठा धक्का बसला होता. आता चिरंजीवीने ट्वीट करत कॅन्सरबद्दल भाष्य केलं आहे. 

चिरंजीवीचं ट्वीट काय आहे?

चिरंजीवीने ट्वीट केलं आहे की,"गेल्या काही दिवसांपूर्वी कॅन्सर सेंटरचं उद्घाटन करताना मी म्हणालो होतो की, कॅन्सरबद्दल जनजागृती करणे आवश्यक आहे. तसेच जर तुम्ही नियमित वैद्यकीय चाचण्या केल्या तर तुमचा बचाव होऊ शकतो. त्यामुळेच मी कोलन स्कोप चाचणी केली. या चाचणीत नॉन-कॅन्सरस पॉलीप्सचं निदान झालं आणि नंतर ते काढण्यात आलं. त्यावेळी मी एवढचं म्हणालो होतो की,त्यावेळी चाचणी केली नसती तर कॅन्सर झाला असता. म्हणूनच प्रत्येकाने सावध राहून चाचणी करुन घेतली पाहिजे". 

కొద్ది సేపటి క్రితం నేనొక క్యాన్సర్ సెంటర్ ని ప్రారంభించిన సందర్భంగా క్యాన్సర్ పట్ల అవగాహన పెరగాల్సిన అవసరం గురించి మాట్లాడాను. రెగ్యులర్ గా మెడికల్ టెస్టులు చేయించుకుంటే క్యాన్సర్ రాకుండా నివారించవచ్చు అని చెప్పాను. నేను అలర్ట్ గా వుండి కొలోన్ స్కోప్ టెస్ట్…

— Chiranjeevi Konidela (@KChiruTweets) June 3, 2023

चिरंजीवीने पुढे लिहिलं आहे,"माझं बोलणं माध्यमांना नीट समजलं नाही आणि मला कॅन्सर झाला आणि मी कॅन्सरमधून वाचलो, अशा बातम्या व्हायरल झाल्या. अशा खोट्या बातम्यांमुळे लोक घाबरले आणि दुखावले गेले आहेत". 

चिरंजीवीच्या या ट्वीटनंतर चाहत्यांनी सुटकेचा नि:श्वास सोडला आहे. चाहते कमेंट्स करत देवाचे आभार मानत आहेत. चिरंजीवीचा 'भोलाशंकर' हा सिनेमा लवकरच प्रेक्षकांच्या भेटीला येणार आहे. या सिनेमाची चाहते आतुरतेने वाट पाहत आहेत. या सिनेमात तो तमन्ना आणि किर्ती सुरेशसोबत झळकणार आहे. 

चिरंजीवीचा 'वॉलटेर वीरय्या' हा सिनेमा गेल्या काही दिवसांपूर्वी प्रेक्षकांच्या भेटीला आला होता. या सिनेमाने बॉक्स ऑफिसवर चांगलाच धमाका केला. तसेच त्याचा 'गॉडफादर' हा सिनेमा आता ओटीटीवर प्रदर्शित झाला आहे. हा सिनेमा प्रेक्षक नेटफ्लिक्स या ओटीटी प्लॅटफॉर्मवर पाहू शकतात. या सिनेमात चिरंजीवीसोबत सत्यदेव, नयनतारा आणि ब्रह्माजी महत्त्वाच्या भूमिकेत आहेत. चिरंजीवीच्या आगामी प्रोजेक्टची चाहत्यांना उत्सुकता आहे. वरुण तेज आणि लावण्या त्रिपाठी लवकरच लग्नबंधनात अडकणार असून त्यांच्या लग्नसोहळ्याला चिरंजीवीदेखील हजेरी लावणार आहे.

संबंधित बातम्या