एक्स्प्लोर

'असं कसं चालेल ताई?', प्रजासत्ताक दिनाला स्वातंत्र्यदिन म्हणणारी शिल्पा शेट्टी ट्रोलर्सच्या निशाण्यावर

प्रजासत्ताक दिनाला स्वातंत्र्य दिन म्हटल्यामुळे अभिनेत्री शिल्पा शेट्टी ट्रोल झाली आहे. युजर्सनी शिल्पाच्या ट्वीटचे स्क्रिनशॉर्ट शेअर करत तिच्यावर टीकेची झोड उठवली आहे.

Written By : एबीपी माझा वेब टीम | Updated at : 27 Jan 2021 09:26 AM (IST)

Bollywood Actress shilpa shetty mistake while wishing for republic day 'असं कसं चालेल ताई?', प्रजासत्ताक दिनाला स्वातंत्र्यदिन म्हणणारी शिल्पा शेट्टी ट्रोलर्सच्या निशाण्यावर

मुंबई : मंगळवारी देशभरात 72व्या प्रजासत्ताक दिनाचा उत्साह पाहायला मिळाला. यादरम्यान अनेक सेलिब्रिटींनी सोशल मीडियावर चाहत्यांना प्रजासत्ताक दिनाच्या शुभेच्छा दिल्या. अशातच अभिनेत्री शिल्पा शेट्टीनेही आपल्या ट्विटर हँडलवरुन ट्वीट करत प्रजासत्ताक दिनाच्या शुभेच्छा दिल्या. शिल्पा शेट्टीने ट्वीट करताना मात्र एक गडबड झाली. घाईघाईत ट्वीट करणं शिल्पाला महागात पडलं असून त्यामुळेच ती ट्रोलर्सच्या निशाण्यावर आली आहे.

शिल्पा शेट्टीने ट्वीट करत प्रजासत्ताक दिना ऐवजी स्वातंत्र्य दिन म्हणत ट्वीट केलं होतं. त्यामुळे नेटकऱ्यांनी शिल्पा शेट्टीवर टीकेची झोड उठवली. दरम्यान, शिल्पा शेट्टीने ट्वीट डिलीट करुन आपली चूक सुधारत पुन्हा नव्यानं ट्वीट केलं होतं. परंतु, अनेकांनी आधीच स्क्रिनशॉर्ट काढून ठेवल्यामुळे शिल्पा शेट्टी सोशल मीडियावर ट्रोल झाली.

Bahattarwe (72nd) Gantantra Diwas ki dheron shubhkaamnayein. Happy Republic Day to every Indian. Let’s pledge to uphold the rights & duties that our constitution has given us... not only for ourselves, but also for each of our fellow citizens ???????????? Jai Hind! ???????? #RepublicDay pic.twitter.com/4hvAU6SCFe
— SHILPA SHETTY KUNDRA (@TheShilpaShetty) January 26, 2021

प्रजासत्ताक दिनाच्या निमित्तानं शिल्पा शेट्टीनं ट्वीट करत म्हटलं होतं की, "तुम्हा सर्वांना 72व्या स्वातंत्र्य दिनाच्या हार्दिक शुभेच्छा. सर्व भारतीयांना हॅपी रिपब्लिक डे. आपल्या संविधानाने आपल्याला जे अधिकार आणि कर्तव्य बहाल केली आहेत, ती अबाधित ठेवण्याचा संकल्प करा, न केवळ आपल्यासाठी, तर आपल्या देशातील प्रत्येक नागरिकासाठी. जय हिंद." या ट्वीटमुळे ट्रोल झाल्यामुळे त्यांनी ट्वीट डिलीट करुन नवीन पोस्ट शेअर केली होती.

दरम्यान, सध्या सोशल मीडियावर शिल्पा शेट्टीला ट्रोल करत एका युजरने प्रश्न उपस्थित केला की, "मॅडमजी शाळेत गेला नव्हतात का? प्रजासत्ताक दिन आणि स्वातंत्रय दिनातील अंतर माहिती नाही. नशा जास्तच करतेस वाटतं. आज सकाळीच नशा केली होती ना." तर एका युजरने लिहिलं आहे की, "असं कसं चालेल ताई."