अभिनेता अरशद वारसीचं ट्विटर अकाउंट हॅक

अरशदच्या परवानगीशिवाय त्याच्या अकाउंटवरून काही मेसेज पाठवण्यात आले आहेत. त्यामुळे ट्विटर अकाउंट हॅक झाल्याचा अंदाज अरशदने व्यक्त केला आहे.

मुंबई : अभिनेता अरशद वारसीचं ट्विटर अकाउंट हॅक झालं होतं, अशी माहिती त्याने स्वत: दिली आहे. अरशदने आज सकाळी ट्वीट करत सांगितलं की, माझ्या परवानगीशिवाय ट्विटर अकाउंटवरून काही मेसेज पाठवण्यात आले आहेत. त्यामुळे माझं ट्विटर अकाउंट हॅक झाल्याचा अंदाज आहे.

It seems like my Twitter account is hacked, some strange msgs are being sent from my account without my knowledge...

— Arshad Warsi (@ArshadWarsi) August 21, 2018

अरशदने ट्वीट करत सांगितलं की, "माझं ट्विटर अकाउंट हॅक झालं आहे. माझ्या कोणत्याही परवानगीशिवाय माझ्या अकाउंटवरून काही मेसेज इतर युजर्सना पाठवण्यात आले, तसेच पासवर्डही बदलण्यात आला. मला आशा आहे, की लवकरच माझं ट्विटर अकाउंट पुन्हा पूर्ववत होईल."

Changed my password, expecting things to go back to normal... 🤞

— Arshad Warsi (@ArshadWarsi) August 21, 2018

अरशद सध्या इंद्र कुमार दिग्दर्शित 'टोटल धमाल' सिनेमात दिसणार आहे. 'धमाल' सिनेमाच्या सीरिजमधील हा तिसरा सिनेमा असणार आहे. या सिनेमात रितेश देशमुख, जावेद जाफरी, अजय देवगन, अनिल कपूर, माधुरी दीक्षित आणि ईशा गुप्ता झळकणार आहे.

अरशदने 1996मध्ये 'तेरे मेरे सपने' सिनेमातून बॉलिवूडमध्ये पदार्पण केलं होतं. त्यानंतर 'मुन्नाभाई एमबीबीएस' सिनेमातील सर्किटच्या भूमिकेमुळे अरशदची बॉलिवूडमध्ये वेगळी ओळख निर्माण झाली. या भूमिकेसाठी अरशदला फिल्म फेअरचा बेस्ट सर्पोटिंग अॅक्टरचा पुरस्कार मिळाला होता.