(Source: ECI/ABP News/ABP Majha)
शिव ठाकरेने घेतली नवी कोरी आलिशान कार; किंमत माहितीये?
शिव ठाकरे (Shiv Thakarey) हा सध्या त्याने खरेदी केलेल्या कारमुळे चर्चेत आहे. शिवनं सोशल मीडियावर पोस्ट शेअर करुन त्याच्या नव्या गाडीची माहिती चाहत्यांना दिली.
Bigg Boss Fame Shiv Thakare Buys A Luxury Car : छोट्या पडद्यावरील प्रसिद्ध कार्यक्रम 'बिग बॉस-16' (Bigg Boss 16) या शोमुळे शिव ठाकरेला (Shiv Thakare) विशेष लोकप्रियता मिळाली. शिव हा बिग बॉस-16 चा रनरअप ठरला. शिव हा अमरावतीचा आहे. बिग बॉस-16 हा शो संपल्यानंतर शिव हा अमरावतीमधील त्याच्या घरी गेला. अमरावतीला गेल्यावर अमरावतीकरांनी शिवचं फटाके फोडून आणि ढोल ताशांच्या गजरात स्वागत केलं. शिव हा सध्या त्याने खरेदी केलेल्या कारमुळे चर्चेत आहे. शिवने सोशल मीडियावर पोस्ट शेअर करुन या नव्या गाडीची माहिती चाहत्यांना दिली.
शिवने शेअर केला नव्या कारचा व्हिडीओ
शिव ठाकरेनं सोशल मीडियावर त्याच्या नव्या गाडीचा एक खास व्हिडीओ शेअर केले आहेत. या व्हिडीओमध्ये शिव हा गाडी समोर नारळ फोडताना दिसत आहे. या व्हिडीओला शिवने कॅप्शन दिलं, "गणपती बाप्पा मोरया. दोन सेकंड हँड गाड्यानंतरची माझी ही पहिली नवी गाडी. या गाडीला धक्का देण्याची गरज नाही." शिवने शेअर केलेल्या नव्या गाडीच्या व्हिडीओला अनेक नेटकऱ्यांनी कमेंट्स करुन त्याला शुभेच्छा दिल्या आहेत. या व्हिडीओमध्ये शिव हा पिंक प्रिंटेड सूट आणि व्हाईट शूज अशा कूल लूकमध्ये दिसत आहे.
गाडीची किंमत
शिवने ब्लॅक कलरची टाटा हॅरियर गाडी खरेदी केली आहे. या गाडीची किंमत जवळपास 30 लाख रुपये आहे.
View this post on Instagram
'बिग बॉस मराठी सिझन-2' या कार्यक्रमाचा शिव ठाकरे हा विजेता ठरला. तसेच 'रोडीज' या शोमध्ये देखील त्याने सहभाग घेतला होता. शिवचा चाहता वर्ग मोठा आहे. 2 मिलियनपेक्षा जास्त नेटकरी त्याला सोशल मीडियावर फॉलो करतात.
शिव ठाकरे हाच बिग बॉस-16 चा विजेता आहे, असं अनेकांचे मत होते. बिग बॉस -16 च्या निकालावर पत्रकार परिषदेमध्ये शिवने प्रतिक्रिया दिली होती. तो म्हणाला होता की, "जे होतं ते चांगलंच होतं, माझ्या नशिबात काही वेगळं लिहिलं असेल. मी आनंदी आहे की माझ्या मित्राने स्पर्धेत बाजी मारली."
वाचा इतर महत्वाच्या बातम्या:
महत्त्वाच्या बातम्या
ट्रेंडिंग न्यूज
