Bhakshak Trailer Out: अभिनेत्री भूमी पेडणेकरच्या (Bhumi Pednekar) 'भक्षक' या चित्रपटाचा जबरदस्त ट्रेलर रिलीज झाला आहे, ज्यामध्ये भूमी ही एका पत्राकाराच्या भूमिकेत दिसत आहे. भूमीच्या या चित्रपटाचा टीझर काही दिवसांपूर्वी रिलीज करण्यात आला होता. आता या चित्रपटाचा टीझर रिलीज करण्यात आला आहे. नेटफ्लिक्स या ओटीटी प्लॅटफॉर्मच्या सोशल मीडिया अकाऊंटवर 'भक्षक' या चित्रपटाचा ट्रेलर शेअर करण्यात आला आहे.
'भक्षक' च्या ट्रेलरमधील भूमीच्या डायलॉगनं वेधलं लक्ष
'भक्षक' या चित्रपटाच्या ट्रेलरमध्ये एका पत्रकाराची कथा मांडण्यात आली आहे जिला बालगृहात मुलींवरहोणाऱ्या अत्याचाराबद्दल कळते. हा चित्रपट एका सत्य घटनेवर आधारित आहे, असं म्हटलं जात आहे. 'क्या अब भी आप अपनी गिनती इंसानों में करते हैं? या अपने आपको भक्षक मान चुके हैं...?' या ट्रेलरमधील भूमीच्या डायलॉगनं अनेकांचे लक्ष वेधले आहे. भूमी आता भक्षकांचे सत्य समाजाच्या समोर आणू शकणार का? या प्रश्नाचं उत्तर आता भक्षक हा चित्रपट रिलीज झाल्यानंतर प्रेक्षकांना मिळणार आहे.
चित्रपटाची स्टार कास्ट
'भक्षक' या चित्रपटात भूमीसोबतच संजय मिश्रा, सई ताम्हणकर आणि आदित्य श्रीवास्तव या कलाकारांनी भूमिका साकारल्या आहे. हा चित्रपट नेटफ्लिक्स या ओटीटी प्लॅटफॉर्मवर 9 फेब्रुवारीला प्रदर्शित होणार आहे.
भूमीनं 'भक्षक' या चित्रपटाचा ट्रेलर सोशल मीडियावर शेअर केला आहे. या ट्रेलरला तिनं कॅप्शन दिलं, "इंसान या 'भक्षक'? समय आ चुका है चुन ने का!!"
पाहा ट्रेलर
शाहरुख खानची कंपनी रेड चिलीज एंटरटेनमेंटच्या बॅनरखाली भक्षक या चित्रपटाची निर्मिती करण्यात आली आहे. पुलकितने याचे दिग्दर्शन केले आहे. गौरी खान आणि गौरव वर्मा हे या चित्रपटाचे निर्माते आहेत.
भूमीचे चित्रपट
गेल्या वर्षी भूमीचे अनेक चित्रपट प्रेक्षकांच्या भेटीला आले. यामध्ये 'भिड', 'रुमर', 'थँक्स फॉर कमिंग' आणि 'द लेडी किलर' यांचा समावेश आहे. आता भूमीच्या भक्षक या चित्रपटाची प्रेक्षक उत्सुकतेने वाट बघत आहेत.
वाचा इतर महत्वाच्या बातम्या: