Rapper Badshah Video: सध्या सोशल मीडियावर एक व्हिडिओ व्हायरल होत आहे. ज्यामध्ये दिसत आहे की लाईव्ह कॉन्सर्टमध्ये एक गायक स्टेजवरून पडतो. हा व्हिडिओ व्हायरल झाल्यानंतर अनेक नेटकरी असं म्हणत आहेत की, हा रॅपर बादशाहचा (Badshah) व्हिडीओ आहे. हा व्हिडीओ व्हायरल झाल्यानंतर बादशाहला दुखापत झाली आहे का? असा प्रश्न नेटकऱ्यांना पडला आहे. अनेक लोक हा व्हिडिओ सोशल मीडियावर शेअर करत आहेत. आता या व्हायरल व्हिडिओवर बादशाहने प्रतिक्रिया दिली आहे. 'हा व्हिडीओ माझा नाहीये' असं बादशाहनं सांगितलं आहे.
सोशल मीडियावर व्हायरल झालेल्या व्हिडिओमध्ये दिसते की, एक गायक स्टेजवर गाणे म्हणत आहे. तो ब्लॅक टी-शर्ट, ब्लॅक शॉर्ट्स आणि व्हाइट स्नीकर्स अशा लूक दिसत आहे. पण या गायकाचा चेहरा दिसत नाहीये. त्यामुळे हा गायक हुबेहूब रॅपर बादशाह आहे, असा अंदाज काही नेटकऱ्यांनी लावला आहे.आता या व्हिडिओवर आता बादशाहने प्रतिक्रिया दिली आहे.बादशाहने एक व्हिडीओ सोशल मीडियावर शेअर केला. या व्हिडीओमध्ये दिसते की, बादशाह म्हणतो, 'मी ठीक आहे. मी कोणत्याही स्टेजवरुन पडलो नाही.मी पूर्णपणे सुरक्षित आहे. माझे हात पाय सर्वकाही ठीक आहेत. जो माणूस स्टेजवरून पडला आहे, तो बरा असेल अशी मला आशा आहे.'
ट्विटरवर देखील एका नेटकऱ्यानं बादशाहचा व्हिडीओ शेअर केला. या व्हिडीओला बादशाहनं कमेंट केली, हा व्यक्ती मी नाहीये.
आदित्य प्रतीक सिंह सिसोदिया हे बादशाहचं खरं नाव आहे. 2006 साली त्यानं संगीतक्षेत्रातील करिअरला सुरुवात केली. डीजे वाले बाबू, लाल गेंदा फूल, पानी पानी जुगनु, हाय गरमी, लेट्स नाचो या बादशाहच्या गाण्यांना प्रेक्षकांची पसंती मिळाली.
बादशाह लवकरच इंडियाज गॉट टॅलेंटला हा कार्यक्रम जज करताना दिसणार आहे. शिल्पा शेट्टी आणि किरण खेर देखील हा शो जज करणार आहेत. बादशाह हा त्याच्या वैयक्तिक आयुष्यामुळे देखील चर्चेत असतो. बादशाहच्या आगामी गाण्यांची प्रेक्षक उत्सुकतेने वाट बघत असतात.
वाचा इतर महत्वाच्या बातम्या: