Arijit Singh Birthday : अरजित सिंहची ही पाच गाणी, तुमच्या काळजाचा ठाव घेतल्याशिवाय राहणार नाही!
Arijit Singh Birthday : अरजित सिंहने गायलेल्या अनेक गाण्यांनी रसिकांच्या मनात स्थान मिळवले आहे. त्यापैकी ही पाच गाणी तुमच्याही काळजाचा ठाव घेतल्याशिवाय राहणार नाहीत.
Arijit Singh Birthday : गायक अरजित सिंहने (Arijit Singh) अल्पावधीतच बॉलिवूडमध्ये आपले वेगळे स्थान मिळवले आहे. बॉलिवूडच्या सर्वाधिक मानधन घेणाऱ्या गायकांमध्ये अरिजीतचा समावेश होतो. अरजित सिंहची अनेक गाणी रसिकांच्या विशेषत: तरुणाईच्या मनात स्थान निर्माण करुन आहेत. आज, अरजित सिंह आपला वाढदिवस साजरा करत आहे. अरजित सिंहने गायलेल्या अनेक गाण्यांनी रसिकांच्या मनात स्थान मिळवले आहे. त्यापैकी ही पाच गाणी तुमच्याही काळजाचा ठाव घेतल्याशिवाय राहणार नाहीत.
2011 मध्ये 'मर्डर 2' चित्रपटातील 'फिर मोहब्बत' या गाण्याने अरिजित सिंगने पार्श्वगायक म्हणून बॉलिवूडमध्ये पदार्पण केले. त्याच्या पुढील वर्षी 'बर्फी' चित्रपटामधील 'फिर ले आया दिल' या गाण्याने आपला ठसा उमटवला. बॉलिवूडमध्ये येण्यापूर्वी त्याने रिॲलिटी शोमध्ये भाग घेतला होता. त्याशिवाय, अरजितने प्रादेशिक भाषेतील गीतांना आपला आवाज दिला होता.
तुम ही हो...
आशिकी 2 मधील हे अरजितच्या आवाजात स्वरबद्ध झालेलं गाणं आजही अनेकांच्या प्लेलिस्ट मध्ये टॉपमध्ये असणार. हृदयाला भिडणारे शब्द आणि तेवढ्याच ताकदीचा स्वर, सादरीकरण रसिकांच्या मनाला भिडले. हे गीत म्हणजे बॉलिवूडमधील मोजक्या कालातीत प्रेमगीतापैकी एक झाले आहे.
चन्ना मेरेया....
'ऐ दिल हैं मुश्किल...' या चित्रपटातील गाणे अपरिचित प्रेमाची वेदना सुंदरपणे टिपते. प्रीतमने दिलेले सुरेल संगीत आणि त्याला अरिजित सिंगचा हृदयाला साद घालणारा आवाज, यामुळे एक सुंदर गाणं रसिकांना अनुभवण्यास मिळाले.
राबता...
'एजंट विनोद' चित्रपटातील 'राबता' अरिजित सिंगने सादर केलेले गायक म्हणून किती व्हर्सटाइल गायक आहे, हे यातून दिसते. अरिजितचा भावूक स्वर, गाण्याची सरळ सुंदर चाल यामुळे हे गाण लक्षात राहते.
तेरा यार हूं मैं...
तू जो रूठा तो कौन हंसेगा, तू जो छूटा तो कौन रहेगा... असे विचारतं मैत्रीचे नातं सांगणारं हे गीत तरुणांमध्ये चांगलंच लोकप्रिय आहे. सोनू के टिट्टू की स्वीटी या चित्रपटातील या गाण्यात मैत्रीचे वर्णन, मैत्रीच्या नात्यातील प्रेम, मर्म अचूक टिपते. हे गाणं रसिकांच्या मनात स्थान मिळवून आहे.
अगर तुम साथ हो...
'तमाशा' या चित्रपटातील अरजित सिंह आणि अलका याज्ञिक यांच्या आवाजातील गाणं म्हणजे तुम्हाला भावूक करते. गाण्याचे हृदयस्पर्शी बोल आणि सुंदर चालीसह अरिजितचा परफॉर्मन्स आणि अलका याज्ञिक यांचा सुंदर स्वर यामुळे हे गाणं रसिकांच्या भावनेला हात घालते.
इतर संबंधित बातमी :
महत्त्वाच्या बातम्या
