Anurag Kashyap : बॉलिवूडचा लोकप्रिय सिने-दिग्दर्शक, निर्माता आणि पटकथालेखक अनुराग कश्यप (Anurag Kashyap) नेहमीच कोणत्या ना कोणत्या कारणाने चर्चेत असतो. अनुराग कश्यप आपल्या वैयक्तिक आयुष्यामुळे नेहमीच चर्चेत असतो. अनुरागने दोनदा लग्न केलं आहे. फिल्म एडिटर आरती बजाजसोबत त्याने पहिलं लग्न केलं होतं. तर दुसरं लग्न अभिनेत्री कल्कि कोचलिनसोबत केलं होतं. दोन्ही लग्न टिकले नाहीत. आता अनुरागच्या मुलीने त्याला तिसऱ्या लग्नाबद्दल प्रश्न विचारला आहे. पण आता त्याने हे होऊ शकत नाही... मी वाईट वडील आहे असं उत्तर दिलं आहे.
अनुराग तिसरं लग्न करणार? (Anurag Kashyap on Wedding)
अनुराग कश्यपने लेक आलिया कश्यपच्या पॉडकास्टला हजेरी लावली होती. दरम्यान आलियाने त्याच्यासोबत दोन्ही लग्न फेल होण्याबदद्ल भाष्य केलं. तसेच तिसऱ्यांदा लग्न करण्याची इच्छा आहे का? असा प्रश्नही विचारला. यावर अनुराग म्हणाला,"मला वाटतं की मी रिलेशनशिप व्यक्ती नाही. कामाला मी प्राधान्य देण्याचा प्रयत्न करतो. मी यूरोपियन असतो आणि तिथेच राहून सिनेमा बनवत असतो तर कदाचित माझं रिलेशन खूप चांगलं असतं. तिथे रॉयल्टी सिस्टम असते आणि पैसेही येतात. पण इथे रॉयल्टी किंवा अशी काही सिस्टमदेखील नाही. मला वेगवेगळे चित्रपट बनवायला आवडतात".
अनुरागने स्वत:ला वाईट ठरवलं...
अनुरागने पैरेंटिंगबद्दलही भाष्य केलं. फिल्मफेअरने स्वत:ला वाईट वडील असल्याचं ठरवलं. अनुराग कश्यप म्हणाला,"मला वाटतं की मी तुझ्यासोबत वडिलांपेक्षा मित्रासारखा राहिलो आहे. मला माहिती आहे की वडिल म्हणून मी कमी पडलो आहे. तुझी आई मात्र आईसारखीच राहिली आहे. काही वर्षे ती माझीदेखील आई बनून राहिली आहे. त्यामुळेच मला वाटतं की मी वाईट वडील आहे".
लेकीला हवाय भाऊ किंवा बहिण
आलिया पुढे मजा करत म्हणाली,"मला नेहमीच एक भाऊ किंवा बहीण हवा होता. मला तेवढचं हवंय. लहानपणापासून मी एकुलती एक मुलगी आहे. मला वाटलं होतं की तू किंवा आई घटस्फोटानंतर पुन्हा कोणासोबत रिलेशनमध्ये येतील आणि मला एक भाऊ किंवा बहीण मिळेल". याचं उत्तर देत अनुराग म्हणतो,"आता तुझा बाबा म्हातारा झाला आहे".
कोण आहे अनुराग कश्यप (Who is Anurag Kashyap)
अनुराग कश्यप बॉलिवूडचा लोकप्रिय दिग्दर्शक, निर्माता आणि पटकथालेखक आहे. दिग्दर्शक म्हणून त्याचे ब्लॅक फ्रायडे, नो स्मोकिंग, देव डी, गुलाल, दॅड गर्ल ईन यलो बुट्स आणि गँग्स ऑफ वासेपूर हे चित्रपट लोकप्रिय झाले आहेत. अनुराग कश्यपच्या आगामी चित्रपटांची चाहत्यांना आता उत्सुकता आहे.
संबंधित बातम्या