Anupam Kher: प्रसिद्ध अभिनेते अनुपम खेर (Anupam Kher) यांनी 500 पेक्षा जास्त चित्रपटांमध्ये काम केलंय. अनुपम हे आपल्या अभिनयानं प्रेक्षकांची मनं जिंकतात. अनुपम खेर हे सोशल मीडियाच्या माध्यमातून त्यांच्या आगामी चित्रपटांची माहिती देत असतात. नुकतीच त्यांनी एक खास पोस्ट सोशल मीडियावर शेअर केली आहे. या पोस्टमध्ये अनुपम यांनी त्यांच्या 538 व्या चित्रपटाची माहिती चाहत्यांना दिली आहे.
अनुपम खेर साकारणार रवींद्रनाथ टागोर यांची भूमिका
अनुपम खेर यांनी सोशल मीडियावर त्यांच्या 538 व्या चित्रपटामधील लूकचा फोटो शेअर केला आहे. या फोटोला त्यांनी कॅप्शन दिलं, 'गुरुदेवांना पडद्यावर साकारण्याचे सौभाग्य मिळाले हे माझे भाग्य आहे! या चित्रपटाची अधिक माहिती लवकरच तुमच्यासोबत शेअर करू!' या पोस्टला त्यांनी रवींद्रनाथ टागोर हा हॅशटॅग देखील दिला आहे. अनुपम खेर यांच्या या आगामी चित्रपटामधील लूकनं अनेकांचे लक्ष वेधले आहे.
अनुपम खेर यांनी शेअर केलेल्या त्यांच्या 538 व्या चित्रपटामधील लूकच्या फोटोला कमेंट करुन अनेकांनी त्यांचे कौतुक केले आहे. एका नेटकऱ्यानं फोटोला कमेंट केली, 'तुम्ही हुबेहूब गुरुदेवांसारखे दिसताय, हा सिनेमा कधी येतोय?' तर दुसऱ्या नेटकऱ्यानं लिहिलं, 'आम्ही या चित्रपटाची वाट बघत आहोत.' या चित्रपटाचं नाव काय असणार आहे? या चित्रपटात आणखी कोणकोणते कलाकार काम करणार आहेत? याबाबत जाणून घेण्यासाठी प्रेक्षक उत्सुक आहेत.
अनुपम खेर यांच्या आगामी चित्रपटांची प्रेक्षक उत्सुकतेने वाट बघत असतात. अनुपम यांच्या 'विजय 69' हा चित्रपट देखील लवकरच प्रेक्षकांच्या भेटीस येणार आहे. 'कर्मा', 'तेजाब', 'राम लखन', 'दिल', 'सौदागर', '1942 ए लव स्टोरी', 'रूप की रानी चोरों का राजा' आणि 'हम आपके हैं कौन' यांसारख्या चित्रपटांमध्ये अनुपम यांनी काम केले. अनुपम खेर हे सोशल मीडियावर देखील अॅक्टिव्ह असतात. विविध पोस्ट ते सोशल मीडियावर शेअर करतात. नेटकरी त्यांच्या फोटोवर लाइक्स आणि कमेंट्सचा वर्षाव करतात.
इतर महत्वाच्या बातम्या: