मुंबई : बॉलिवूड अभिनेता आणि स्वयंघोषित चित्रपट समीक्षक कमाल आर खान (Kamal Khan) उर्फ केआरके (KRK) याचं नवीन गाणे प्रदर्शित झालं आहे. केआरकेने त्याचा नवीन संगीत व्हिडीओ मेरे साथिया नुकताच प्रदर्शित केला आहे. बॉलिवूड सेलिब्रिटींनी केआरकेचं गाणं प्रमोट केलं आहे. विशेष म्हणजे बॉलिवूडचे बिग बी अमिताभ बच्चन, अनिल कपूर आणि टायगर श्रॉफ यांसारख्या बॉलिवूडच्या अनेक मोठ्या सेलि्ब्रिटींनी त्याला शुभेच्छा देत गाणं प्रमोट केलं आहे.
बिग बी आणि ट्रायगर श्रॉफकडून KRK चं गाणं प्रमोट
कमाल आर खान उर्फ केआरकेने मंगळवारी केआरकेने त्याचं नवीन गाणं 'मेरे साथिया' प्रदर्शित झाल्याची घोषणा केली. या म्युझिक व्हिडीओमध्ये कमाल खानसोबत रक्षीका शर्मा आणि कीया शर्मा देखील आहेत. कमाल खान स्टार 'मेरे साथिया' गाणं अंकित तिवारीने गायलं आहे. हे गाणं प्रदर्शित होताच अनेक सेलिब्रिटींनी हे गाणं त्यांच्या सोशल मीडिया हँडलवर शेअर केलं आहे.
बॉलिवूड सेलिब्रिटींकडून KRK चं गाणं प्रमोट
बिग बींनी हे गाणं ट्विटरवर प्रमोट केलं आहे. अमिताभ बच्चन यांनी त्यांच्या एक्स मीडियावर पोस्ट करत लिहिलं आहे. "खूप शुभेच्छा... अंकित तिवारीने गायलेलं आणि डीजे शेझवूडने संगीतबद्ध केलेलं टी-सीरीजचं गाणे 'मेरे साथिया' लाँच झालं आहे. यामध्ये केआरके, रक्षीका शर्मा आणि कीया शर्मा हे कलाकार आहेत. पहा आणि आनंद घ्या!"
अभिनेते अनिल कपूर यांनी पोस्टमध्ये लिहिलं आहे की, "तुमच्या संगीत प्रवासासाठी तुम्हाला शुभेच्छा आणि यश मिळो."
टायगर श्रॉफने लिहिलं आहे, "@kamaalrkhan सर तुमच्या नवीन गाण्यासाठी तुम्हाला खूप शुभेच्छा."
नेटकरी म्हणाले, 'इतके वाईट दिवस आले...'
दरम्यान, संपूर्ण बॉलिवूडला ट्रोल करण्यासाठी ओळखला जाणाऱ्या केआरेचं गाणं बॉलिवूड सेलिब्रिटी का प्रमोट करत आहेत, असा प्रश्न नेटिझन्सना पडला आहे. काही वर्षांपूर्वी केआके अभिषेक बच्चन विषयी आक्षेपार्ह वक्तव्य केल्यामुळे वादातही अडकला होता. त्यानंतर आता अमिताभ बच्चन अशाप्रकारे त्याचं समर्थन करण्याचं नेमकं कारण नेटकऱ्यांनाही समजलेलं नाही.
बॉलिवूडच्या ट्रोल करणाऱ्याचं गाण्याचं सेलिब्रिटींकडून प्रमोशन
एका युजरने कमेंटमध्ये लिहीलं आहे, "ही काय मजबुरी आहे." तर दुसऱ्याने लिहिले की, "चला साहेब. एवढे वाईट दिवस अजून आलेले नाहीत की, या कार्टूनच्या गाण्यांचे प्रमोशन करावं लागेल." एका नेटिझनने लिहिलं आहे की, हेच बघायचं राहिलं आहे.
केआरके सोशल मीडियावर त्याच्या वादग्रस्त विधानांसाठी ओळखला जातो आणि काही महिन्यांपूर्वी त्याला याच कारणामुळे तुरुंगातही जावं लागलं होतं. बी-टाऊनच्या सेलिब्रिटींनी अभिनेत्यावर अनेक मानहानीचे खटले दाखल केले आहेत.
महत्त्वाच्या इतर बातम्या :