Amitabh Bachchan On Aishwarya Rai : अमिताभ यांनी सून ऐश्वर्याचे नाव घेणं टाळलं! चाहत्यांनी व्यक्त केला संताप, काय झालं नेमकं?
Amitabh Bachchan On Aishwarya Rai : अभिषेक-ऐश्वर्या राय यांच्यातील कथित विसंवादापासून ऐश्वर्या सध्या मुलीसोबत वेगळी राहत असल्याच्या चर्चा सुरू आहेत. अशातच पुन्हा एकदा या चर्चांनी पुन्हा जोर पकडला आहे. बिग बी अमिताभ बच्चन यांनी केलेल्या ट्वीटवर चाहत्यांनी नाराजी व्यक्त केली आहे.
Amitabh Bachchan On Aishwarya Rai : बच्चन कुटुंबात सगळं काही आलबेल नसल्याची चर्चा सुरू असते. अभिषेक-ऐश्वर्या राय (Abhishek Bachchan - Aishwarya Rai) यांच्यातील कथित विसंवादापासून ऐश्वर्या सध्या मुलीसोबत वेगळी राहत असल्याच्या चर्चा सुरू आहेत. अशातच पुन्हा एकदा या चर्चांनी पुन्हा जोर पकडला आहे. बिग बी अमिताभ बच्चन (Amitabh Bachchan) यांनी केलेल्या ट्वीटवर चाहत्यांनी नाराजी व्यक्त केली आहे.
'रावण' चित्रपट रिलीज होऊन 14 वर्षे झाली असून अमिताभ बच्चन यांनी सोशल मीडियावर एक पोस्ट शेअर केली आहे. या पोस्टमध्ये त्यांनी अभिषेक बच्चनचे कौतुक केले आहे आणि चित्रपटाबाबतही नमूद केले. परंतु ऐश्वर्या राय बच्चनबद्दल एक अक्षरही लिहिले नाही. याआधीदेखील अमिताभ बच्चन यांनी ऐश्वर्याची भूमिका असलेल्या चित्रपटाचे कौतुक केले होते परंतु आपल्या सुनेचे नावही घेतले नव्हते.
अमिताभ बच्चन यांनी सोशल मीडियावर शेअर केलेल्या पोस्टमध्ये अभिषेक बच्चनचे खूप कौतुक केले. या चित्रपटात अभिषेक बच्चन खलनायकाच्या भूमिकेत होता. या चित्रपटात ऐश्वर्या मुख्य अभिनेत्रीच्या भूमिकेत होती. मात्र, अमिताभ यांनी आपल्या पोस्टमध्ये तिचे कौतुक केले नाही.
अमिताभ यांची पोस्ट व्हायरल...
टीम अभिषेकच्या फॅन पेजवर 'रावण' चित्रपटाचा ट्रेलर शेअर करण्यात आला. या चित्रपटाला 14 वर्ष पूर्ण झाल्याच्या निमित्ताने पोस्ट शेअर करण्यात आली होती. याच पोस्टला अमिताभ बच्चन यांनी रिपोस्ट केली आणि अभिषेकचे कौतुक केले. अमिताभ यांनी म्हटले की, अभिषेकचा कधीही न विसरता येणार परफॉर्मन्स... तू केलेल्या चित्रपटांपैकी सगळ्यात वेगळा चित्रपट...
Abhishek an unforgettable performance .. so different from all the others in other films of yours .. and that is the true value of an artist !! love ❤️ https://t.co/0tebluqr0D
— Amitabh Bachchan (@SrBachchan) June 18, 2024
अमिताभ बच्चन यांनी आपला मुलगा अभिषेक बच्चनचे जोरदार कौतुक केले. पण, सून ऐश्वर्या रायचे कौतुक करणे टाळले. याआधी देखील त्यांनी एका पोस्टमध्ये ऐश्वर्याचे नाव घेणे टाळले होते.
महत्त्वाच्या बातम्या
