वाढदिवसानिमित्त आलियाकडून ड्रायव्हर आणि हेल्परला मोठी सरप्राईज भेट

बॉलिवूड अभिनेत्री आलिया भटने तिचा 26वा वाढदिवस रणबीर कपूर, महेश भट, पूजा भट आणि तिच्या काही खास मित्रमंडळींसोबत साजरा केला.

BERLIN, GERMANY - FEBRUARY 09: Alia Bhatt attends the "Gully Boy" press conference during the 69th Berlinale International Film Festival Berlin at Grand Hyatt Hotel on February 09, 2019 in Berlin, Germany. (Photo by Pascal Le Segretain/Getty Images)

मुंबई: आलिया भट सध्या तिच्या व्यावसायिक तसेच वैयक्तिक आयुष्यात फार आनंदी असल्याचं दिसून येतं. आलिया तिच्या आतापर्यंच्या चित्रपटांना मिळालेल्या यशामुळे इतकी आनंदी आहे की तिने आपल्या ड्रायव्हर आणि हेल्परला भरघोस रक्कम भेट म्हणून दिली. आलियाने तिच्या वाढदिवसाच्या दिवशी पन्नास लाख प्रत्येकी अशी रक्कम ड्रायव्हर सुनील आणि हेल्पर अमोल यांना चेकद्वारे भेट म्हणून दिली. महत्त्वाचं म्हणजे त्यांना मुंबईत स्वत:चं हक्काचं असं घर  घेता यावं म्हणून आलियाने ही भेट दिली. ड्रायव्हर सुनील आणि हेल्पर अमोल यांनी जुहू, खारदांड्यामध्ये घराचं बुकिंगसुद्धा केलं आहे. आलियाकडून मिळालेली गोड भेट हे त्या दोघांसाठी काही नवल नसावं कारण तिच्या करिअरला सुरुवात झाल्यापासून ते आलियासोबत आहेत. तिने त्यांच्याबद्दलचा असलेला आदर आणि प्रेम उत्तमरित्या दर्शवला.   तिने आपला 26वा वाढदिवस रणबीर कपूर, महेश भट, पूजा भट आणि तिच्या काही खास मित्रमंडळींसोबत साजरा केला. आलिया भट आता अभिषेक वर्मनच्या आगामी चित्रपट कलंक मध्ये आपल्याला दिसणार आहे.कलंकमध्ये आलियासोबत वरुण धवन, माधुरी दीक्षित, संजय दत्त, सोनाक्षी सिन्हा आणि आदित्य रॉय कपूर अशी तगडी स्टार कास्ट महत्त्वाच्या भूमिकेत असणार आहे.