Prithviraj Movie Postponed : 'पृथ्वीराज' सिनेमाला कोरोनाचा फटका, रिलीज डेट ढकलली पुढे

Prithviraj Movie Postponed : चंद्रप्रकाश द्विवेदी दिग्दर्शित 'पृथ्वीराज' सिनेमाची प्रेक्षक प्रतीक्षा करत होते. पण आता सिनेमाची रिलीज डेट पुढे ढकलण्यात आली आहे.

Prithviraj Movie Postponed : बहुचर्चित पृथ्वीराज (Prithviraj) सिनेमाची प्रेक्षक गेली अनेक दिवस प्रतीक्षा करत आहेत. चंद्रप्रकाश द्विवेदी दिग्दर्शित 'पृथ्वीराज' सिनेमा 21 जानेवारी 2022 रोजी प्रदर्शित होणार होता. पण कोरोनाचा प्रादुर्भाव वाढत असल्याने सिनेमाची रिलीज डेट पुढे ढकलण्यात आली आहे. 

पृथ्वीराज सिनेमा बॉक्स ऑफिसवर धुमाकूळ घालणारा आहे. पण कोरोनाचा प्रादुर्भाव वाढत असल्याने हा सिनेमा बॉक्स ऑफिसवर धुमाकूळ घालू शकत नाही. नवी दिल्लीसारख्या ठिकाणी सिनेमागृह बंद ठेवण्याचा निर्णय घेतला आहे. या निर्णयाचादेखील सिनेमाच्या कमाईवर परिणाम होईल. दरम्यान कोरोनामुळे '83' सिनेमा बॉक्स ऑफिसवर धुमाकूळ घालू शकला नाही. 'जर्सी' आणि 'आरआरआर' सिनेमाच्या प्रदर्शनाची तारीखदेखील पुढे ढकलण्यात आली.  

अक्षय कुमारचा 'पृथ्वीराज' सिनेमा नेमका कधी रिलीज होईल, याबाबत अद्याप कोणतीही माहिती समोर आलेली नाही. या सिनेमात अक्षय कुमारसोबत मिस वर्ल्ड मनुषी छिल्लरदेखील दिसणार आहे. मनुषी या सिनेमाद्वारे बॉलिवूडमध्ये पदार्पण करणार आहे. चित्रपटात मनुषी 'संयोगिता'च्या भूमिकेत दिसणार आहे. सिनेमात संजय दत्त आणि सोनू सूददेखील मुख्य भूमिकेत दिसणार आहेत. 

2017 साली मनुषीने मिस वर्ल्ड हा किताब जिंकला होता. त्यामुळे आता तिचा सिनेमातील अभिनय पाहण्यासाठी चाहते उत्सुक आहेत.

संबंधित बातम्या

LIVE TV | मराठी बातम्या, ब्रेकिंग न्यूज, महाराष्ट्रासह देश-विदेशातील प्रत्येक घडामोडी पाहा लाईव्ह - ABP Majha