Laal Singh Chaddha : 'लाल सिंह चड्ढा' पाहिल्यानंतर शाहरुखने केलं आमिरचं कौतुक; मन्नतमध्ये केलं होतं खास स्क्रीनिंग
Laal Singh Chaddha : 'लाल सिंह चड्ढा' हा सिनेमा 11 ऑगस्टला प्रेक्षकांच्या भेटीला येणार आहे. आमिर सध्या या सिनेमाचे प्रमोशन करत आहे.
Shahrukh Khan Review On Lal Singh Chaddha : बॉलिवूडचा परफेक्टनिस्ट आमिर खान (Aamir Khan) आणि करीना कपूरचा (Kareena Kapoor) 'लाल सिंह चड्ढा' (Laal Singh Chaddha) हा सिनेमा 11 ऑगस्टला सिनेमागृहात प्रदर्शित होणार आहे. आमिरचे चाहते या बहुचर्चित सिनेमाची प्रतीक्षा करत आहेत. आमिर सध्या या सिनेमाचे जोरदार प्रमोशन करत आहे. अशातच आमिरने हा सिनेमा शाहरुखला दाखवला आहे. सिनेमा पाहिल्यानंतर शाहरुखने दिलेली प्रतिक्रिया सध्या चर्चेत आहे.
इ टाईम्सने दिलेल्या वृत्तानुसार, 'लाल सिंह चड्ढा' हा सिनेमा आमिरने त्याच्या खास मित्राला म्हणजेच शाहरुखला दाखवला आहे. आमिरने मन्नतमध्ये 'लाल सिंह चड्ढा'चे खास स्क्रीनिंग आयोजित केले होते. मन्नतमध्ये आमिर आणि शाहरुख दोघांनी मिळून 'लाल सिंह चड्ढा' हा सिनेमा पाहिला. 'लाल सिंह चड्ढा' हा सिनेमा प्रेक्षकांच्या पसंतीस उतरला आहे. हा सिनेमा पाहिल्यानंतर शाहरुखने आमिरचं कौतुकदेखील केलं आहे.
'लाल सिंह चड्ढा'मध्ये शाहरुखची झलक
रिपोर्टनुसार, शाहरुख आणि आमिरने मन्नतमध्ये 'लाल सिंह चड्ढा' हा सिनेमा पाहिला आणि सिनेमावर चर्चा केली. 'लाल सिंह चड्ढा' आधीदेखील आमिरने अनेक सिनेमे रिलीज होण्याआधी शाहरुखला दाखवले आहेत. आमिर शाहरुखचा नेहमीच आदर करताना दिसतो. 'लाल सिंह चड्ढा' या सिनेमात प्रेक्षकांना शाहरुखची झलक पाहायला मिळणार आहे.
11 ऑगस्टला 'लाल सिंह चड्ढा' येणार प्रेक्षकांच्या भेटीला
'लाल सिंह चड्ढा' सिनेमाच्या नव्या पोस्टरवरदेखील नेटकऱ्यांकडून विरोध होत आहे. तर दुसरीकडे अनेक बॉलिवूड सेलिब्रिटी आमिर आणि करीनाचे समर्थन करत आहेत . 'लाल सिंह चड्ढा' हा सिनेमा 11 ऑगस्टला प्रेक्षकांच्या भेटीला येणार आहे. दुसरीकडे ऑक्टोबर महिन्यात हा सिनेमा ओटीटी ओटीटी प्लॅटफॉर्मवर रिलीज होणार असे म्हटले जात आहे.
संबंधित बातम्या
Laal Singh Chaddha On OTT : 'लाल सिंह चड्ढा' लगेचच ओटीटीवर रिलीज होणार नाही; आमिर खानने दिली माहिती
Aamir Khan Exclusive : 'लाल सिंह चड्ढा'साठी जुनैदची निवड झाली होती; आमिर खानने केला खुलासा
महत्त्वाच्या बातम्या
