Adipurush: 'जाणूनबुजून तो डायलॉग...'; 'आदिपुरुष'मधील हनुमानाच्या डायलॉगला नेटकऱ्यांनी ट्रोल केल्यानंतर लेखकानं दिली प्रतिक्रिया
'आदिपुरुष' (Adipurush) या चित्रपटातील संवाद आणि कलाकारांच्या लूकवर काही लोकांनी टीका केली.
Adipurush: 'आदिपुरुष' (Adipurush) या बिग बजेट चित्रपटाची प्रेक्षक उत्सुकतेने वाच बघत आहेत. हा चित्रपट काल (16 जून) प्रेक्षकांच्या भेटीस आला.अनेकांनी या चित्रपटाचा फर्स्ट डे फर्स्ट शो पाहिण्यासाठी थिएटर बाहेर गर्दी केली. काही नेटकऱ्यांनी आदिपुरुष चित्रपट पाहिल्यानंतर सोशल मीडियावर रिव्ह्यू शेअर केले. काही नेटकऱ्यांनी या चित्रपटाचं कौतुक केलं तर काहींनी ट्रोल केलं. 'आदिपुरुष' या चित्रपटातील संवाद आणि कलाकारांच्या लूकवर काही लोकांनी टीका केली. कालपासून सोशल मीडियावर एक व्हिडीओ व्हायरल होत आहे. या व्हिडीओमध्ये 'आदिपुरुष' या चित्रपटातील हनुमानाचा डायलॉग ऐकू येतो. या डायलॉगला देखील अनेक जण ट्रोल करत आहेत. आता या डायलॉगवर 'आदिपुरुष' या चित्रपटाचे संवाद लेखक मनोज मुंतशीर यांनी प्रतिक्रिया दिली आहे.
'आदिपुरुष' या चित्रपटातील हनुमानाच्या डायलॉगबाबत मनोज म्हणाले की, 'आजकालचे लोक या डायलॉगसोबत जोडले जावेत म्हणून जाणूनबुजून तो डायलॉग तसा लिहिला आहे. ही गोष्ट सामान्य भाषेत सांगितली आहे.फक्त हनुमानजीबद्दलच का बोलले जात आहे? भगवान श्रीरामांच्या संवादांवरही बोलले पाहिजे. माता सीतेच्या डायलॉगबद्दल देखील बोललं गेलं पाहिजे. या डायलॉग्स मध्ये काय कमी आहे?'
पुढे मनोज यांनी सांगितलं, 'रामायण आपण लहानपणापासून ऐकत आलो आहोत. मी एका छोट्या गावातून आलो आहे. आमची आजी जेव्हा गोष्टी सांगायच्या तेव्हा त्या या भाषेत सांगायच्या. हा डायलॉग जो तुम्ही सांगितलात, या देशाचे मोठे संत, या देशातील मोठे कथाकार असेच बोलतात, जसे मी लिहिले आहे, असे संवाद लिहिणारा मी पहिला नाहीये.'
View this post on Instagram
कोण आहेत मनोज मुंतशीर?
मनोज मुंतशीर हे गीतकार, कवी आणि पटकथा लेखक आहेत. त्यांनी अनेक हिट हिंदी चित्रपटातील गाण्यांचे लेखन केले. तेरी मिट्टी, तेरे संग यारा, कौन तुझे या गाण्यांचे लेखन मनोज यांनी केले आहे.
अभिनेत्री कृती सेनननं आदिपुरुष या चित्रपटात सीता ही भूमिका साकारली आहे. ओम राऊतनं आदिपुरुष या चित्रपटाचं दिग्दर्शन केलं आहे. आदिपुरुष हा चित्रपट हिंदी, तामिळ, तेलुगू, कन्नड आणि मल्याळम या भाषांमध्ये प्रदर्शित झाला आहे.
वाचा इतर महत्वाच्या बातम्या:
महत्त्वाच्या बातम्या
