प्रियांका चोप्रा तयार होण्यासाठी फक्त 45 मिनिटे घेते; म्हणाली, 'मी इतकी व्यस्त आहे की मला बोअर व्हायलाही वेळ मिळत नाही'

अभिनेत्री प्रियांका चोप्राला (Priyanka Chopra) तिच्या कामाबद्दल विचारले असता ती म्हणाली मी इतकी व्यस्त असते की मला कंटाळा यायलाही वेळ नसतो.

संग्रहित छायाचित्र

अभिनेत्री प्रियांका चोप्रा (Priyanka Chopra) आज आंतरराष्ट्रीय सेलिब्रिटी झाली आहे. प्रियंका फक्त बॉलिवूडमध्येच नाही तर हॉलिवूड प्रोजेक्टमध्येही दिसली आहे. अशा परिस्थितीत आपण प्रियंका चोप्राच्या एका जुन्या मुलाखतीबद्दल बोलणार आहे, ज्यात तीने बिनधास्तपणे आपलं मन मोकळं केलं होतं. या मुलाखती दरम्यान प्रियंकाला विचारण्यात आले होते की तुला एकाच वेळी अनेक गोष्टी कराव्या लागतात जसे की शूटिंग, व्लॉगिंग आणि वारंवार ड्रेस बदलणे, तसेच मेकअप इत्यादी. मग तुला या रूटीनचा कंटाळा किंवा बोअर नाही होत का?

या प्रश्नाचं उत्तर देताना प्रियांका म्हणाली, की 'नाही, मी तयार होण्यास फक्त 45 मिनिटे घालवते, यावेळी माझी टीम केसांपासून मेकअपपर्यंत सर्व कामे करते'. त्याचवेळी प्रियांका असेही म्हणाली की, 'मी दिवसभर एकाचवेळी इतकी कामे करते की मला कंटाळा यायला वेळही मिळत नाही'. मुलाखती दरम्यान प्रियांकाला विचारले गेले की जेव्हा लोक म्हणतात की “अरे ती आंतरराष्ट्रीय स्टार बनली आहे”.

यावर प्रियांका म्हणते.. 'मला असं वाटत नाही, मी स्वतःला फक्त एक मुलगी मानते आणि मला असं वाटतं की लोकांनी स्वतःला विकसत करत राहायला हवं. मलासुद्धा एका यशावर थांबायचे नाही, उलट मी नवीन ध्येय गाठण्यासाठी प्रयत्न करत असते. या मुलाखती दरम्यान प्रियंकाने अमेरिकेचे अध्यक्ष बराक ओबामा यांच्याशी झालेल्या भेटीबद्दल सांगितले. यावेळी ती म्हणाली की ते राष्ट्रपती असूनही त्यांना माझ्याबद्दल सर्व माहिती होती, हा माझ्यासाठी सुखद धक्का होता.