मुंबई : अनेक तरूणांच्या गळ्यातील ताईत असणारी बॉलिवूड अभिनेत्री दिशा पाटनीचे ग्लॅमरस फोटो सोशल मीडियावर व्हायरल होत असतात. अशातच दिशा पाटनीचे सोशल मीडियावरही अनेक फॅन्स आहेत. काही दिवसांपूर्वीच दिशाचे इन्स्टाग्रामवर 40 मिलियन फॉलोअर्स झाले आहेत. दिशा नेहमी आपल्या इन्स्टाग्राम अकाउंटवर आपले हॉट आणि बोल्ड फोटो शेअर करत असते. तिच्या या फोटोंवर चाहते नेहमीच लाईक्सचा वर्षाव करतात. काही दिवसांपूर्वी दिशाच्या अशाच एका क्लासी फोटोवर बॉलिवूड अभिनेता टायगर श्रॉफने हार्ट आणि फायर इमोजी शेअर करत कमेंट केली होती.
पण तुम्हाला माहिती आहे का? आताची हॉट आणि ग्लॅमरस दिशा पाटनी आधी कशी दिसायची? आज जाणून घेऊया दिशाचं कुटुंब, तिचं शिक्षण आणि करिअरबाबत...
अनेक तरूणांच्या मनावर राज्य करणारी दिशा पाटनी कॉलेज ड्रॉपआउट आहे. तिने 2013 मध्ये 'फेमिना मिस इंडिया इंदोर' इव्हेंटमध्ये पार्टिसिपेट करण्यासाठी आपलं शिक्षण अर्ध्यावरच सोडलं होतं. या इव्हेंटमध्ये ती फर्स्ट रनरअप होती.
असं सांगण्यात येतं की, या दरम्यान दिशाने चित्रपट 'हिरोपंती'साठी ऑडिशन दिलं होतं. परंतु, तीचं सिलेक्शन झालं नाही. दिशाला तिच्या करिअरच्या सुरुवातीच्या दिवसांत अनेकदा हार मानावी लागली होती. दिशाच्या ऑडिशन व्हिडीओंपैकी एक व्हिडीओ आजही युट्यूबवर आहे, ज्यामध्ये तिने आका जाहीरातीसाठी ऑडिशन दिलं होतं.
दिशा एका राजपूत कुटुंबातून आली आहे. तिचे वडील जगदीश सिंह पाटनी उत्तर प्रदेशचे पोलिसांच डीएसपी आहेत. दिशाची एक मोठी बहिण खुशबू आणि छोटा भाऊ सूर्यांश आहे. तर तिची आई गृहिणी आहे. दरम्यान, रिलेशनशिप स्टेटसबाबत बोलायचे झाले तर नेहमी दिशाचं नाव टायगरसोबत जोडलं जातं. परंतु, मीडिया रिपोर्ट्सनुसार, टायगरसोबत रिलेशनमध्ये येण्याआधी दिशा टीव्ही सेलिब्रिटी पार्थ समथानलाही डेट करत होती.
दिशाच्या ऑडिशनचा व्हिडीओ :
बॉलिवूडबाबत बोलायचं झालं तर दिशाला खरी ओळख 'एमएस धोनी' या चित्रपटातून मिळाली होती. ज्यामध्ये दिशासोबत दिवंगत बॉलिवूड अभिनेता सुशांत सिंह राजपूतही दिसून आला होता.
सध्याच्या दिशाच्या चित्रपटांबाबत बोलायचे झाले तर, दिशा काही दिवसांपूर्वी अॅक्शन-थ्रीलर 'मलंग' या चित्रपटात दिसून आली होती. तिने सलमान खानसोबत 'भारत' या चित्रपटातही स्क्रिन शेअर केली होती. तसेच सलमान खानचा आगामी चित्रपट 'राधे : योर मोस्ट वांटेड भाई' यामध्येही दिशा दिसून येणार आहे.
महत्त्वाच्या इतर बातम्या :