अभिनेता स्वप्नील जोशी पुन्हा बाबा झाला!

गुरुवारी स्वप्निलची पत्नी लीनाने एका गोंडस मुलाला जन्म दिला.

मुंबई : मराठी मनोरंजनसृष्टीचा चॉकलेट हिरो अर्थात अभिनेता स्वप्नील जोशीच्या घरी गोड बातमी आहे. स्वप्नील पुन्हा एकदा बाबा झाला आहे. स्वप्नील जोशीला पुत्ररत्न प्राप्त झालं. गुरुवारी स्वप्निलची पत्नी लीनाने एका गोंडस मुलाला जन्म दिला. या बातमीमुळे जोशी कुटुंबीयांसह मित्र-मंडळींमध्येही आनंदाचं वातावरण आहे. गेल्याच वर्षी स्वप्निल-लीना यांच्या आयुष्यात छोट्या परीचं आगमन झालं होतं. मे 2016 मध्ये स्वप्नील-लीनाची मुलगी मायराचा जन्म झाला होता. स्वप्नील जोशीच्या 'मुंबई-पुणे-मुंबई 3' या सिनेमाचं शूटिंग नुकतंच सुरु झालं आहे. तर स्वप्नीलची निर्मिती असलेली 'नकळत सारे घडले' ही मालिका स्टार प्रवाहवर सुरु आहे.