अभिनेता नील नितीन मुकेश लवकरच बाबा बनणार!

नील आणि रुक्मिणी यांनी मागील वर्षी फेब्रुवारीमध्ये उदयपूरमध्ये धूमधडाक्यात लग्न केलं होतं.

मुंबई : बॉलिवूड अभिनेता नील नितीन मुकेश लवकरच बाबा बनणार आहे. नीलने पत्नी रुक्मिणी सहाय गरोदर असल्याची गोड बातमी त्याच्या इन्स्टाग्राम अकाऊंटवरुन चाहत्यांसोबत शेअर केली. "आता आम्ही दोघांचे तीन होणार आहोत," असं नील नितीन मुकेशने त्याच्या लेटेस्ट पोस्टमध्ये लिहिलं आहे. याचसोबत नीलचे वडील नितीन मुकेश यांनीही ही गुडन्यूज आपल्या सोशल मीडिया अकाऊंटवर शेअर केली आहे.

Now we will be THREE 👶🏼

A post shared by Neil Nitin Mukesh (@neilnitinmukesh) on Apr 23, 2018 at 8:16am PDT

नील आणि रुक्मिणी पहिल्यांदाच आई-बाबा बनणार आहे. त्यामुळे हे क्षण त्यांच्यासोबत कुटुंबीयांसाठीही खास आहेत.

... AND NOW THEY WILL BE “THREE” ...

A post shared by Nitin Mukesh (@nitinmukesh9) on Apr 23, 2018 at 8:18am PDT

नील आणि रुक्मिणी यांनी मागील वर्षी फेब्रुवारीमध्ये उदयपूरमध्ये धूमधडाक्यात लग्न केलं होतं. त्यांच्या लग्नाला फिल्म इंडस्ट्रीमधील अनेक कलाकार उपस्थित होते. काही दिवसांपूर्वीच शाहिद कपूरनेही दुसऱ्यांदा बाबा बनणार असल्याची गुडन्यूज शेअर केली होती. आता नील नितीन मुकेशनेदेखील ही खास बातमी सगळ्यांसोबत शेअर केली आहे.