फरहान-शिबानीच्या अफेअरच्या चर्चांना पुन्हा ऊत
फरहानने त्याच्या इन्स्टाग्राम अकाऊंटवर एक फोटो शेअर केला आहे. ज्यामध्ये शिबानी आणि फरहान हातात हात घालून फिरताना दिसत आहेत.
मुंबई : बॉलिवूडमधील दिग्दर्शक, अभिनेता फरहान अख्तर आणि अँकर-अभिनेत्री शिबानी दांडेकर यांच्या अफेअरच्या चर्चांना पुन्हा ऊत आला आहे. फरहानने त्याच्या इन्स्टाग्राम अकाऊंटवर एक फोटो शेअर केला आहे. ज्यामध्ये शिबानी आणि फरहान हातात हात घालून फिरताना दिसत आहेत. या पोस्टमध्ये फरहानने एक रेड हार्टचा इमोजी लावला आहे.
फरहान आणि शिबानी यांच्या रिलेशनशिपबाबत अनेक दिवसांपासून चर्चा रंगत आहे. मात्र या पोस्टनंतर फरहानने त्यांच्यातील नातं एकप्रकारे सर्वांसमोर जाहीर केल्यांच बोललं जात आहे. फरहान किंवा शिबानीने आपल्या नात्याबाबत काहीही स्पष्टपणे सांगितलेलं नाही.
View this post on Instagram
विशेष म्हणजे फरहानने जो फोटो त्याच्या इन्स्टाग्राम अकाऊंवर शेअर केला आहे, तोच फोटो शिबानीने गेल्या महिन्यात तिच्या इन्स्टाग्राम अकाऊंटवर शेअर केला होता. फोटोमध्ये फरहानचा चेहरा मात्र दिसत नाही. त्यामुळे त्यावेळी दोघांच्या नात्यांबद्दल केवळ अंदाज लावले जात होते.
फरहान अख्तरने आपल्या इन्स्टाग्राम स्टोरीमध्ये शिबानी दांडेकरचे फोटोही पोस्ट केले होते. त्यामुळे दोघं आपलं रिलेशनशीप जगजाहीर करत आहेत का, अशी उत्सुकता चाहत्यांना लागली आहे.
फरहान अख्तर 15 वर्षांच्या संसारानंतर पत्नी अधुनासोबत विभक्त झाला होता. 2017 मध्ये घटस्फोट झाल्यानंतर फरहानचं नाव अभिनेत्री श्रद्धा कपूरसोबत जोडलं जात होतं.
महत्त्वाच्या बातम्या
ट्रेंडिंग न्यूज
