Blind Teaser Out: सस्पेन्स अन् थ्रिलर; सोनम कपूरच्या 'ब्लाइंड'चा टीझर रिलीज; चित्रपट 'या' दिवशी येणार प्रेक्षकांच्या भेटीस

Blind Teaser Out: 'ब्लाइंड'  या चित्रपटाचा टीझर प्रेक्षकांच्या भेटीस आला आहे.

Blind Teaser Out

Blind Teaser Out: बॉलिवूडमधील अभिनेत्री सोनम कपूर (Sonam Kapoor) ही लवकरच 'ब्लाइंड' (Blind) या चित्रपटातून अभिनय क्षेत्रात पुनरागमन करणार आहे. हा चित्रपट 7 जुलैला जिओ सिनेमावर प्रदर्शित होणार आहे. 'ब्लाइंड'  या चित्रपटाच्या निर्मात्यांनी नुकताच (Blind Teaser Out) या चित्रपटाचा टीझर रिलीज केला आहे. या टीझरमध्ये सोनम एका अंध मुलीच्या भूमिकेत दिसत आहे.

टीझरच्या सुरुवातीला दिसत आहे की, सोनम  ही एका कॅबमध्ये बसते, जी कॅब पूरब कोहली चालवत आहे.मग त्यांना कळते की कॅबमध्ये आणखी कोणीतरी आहे. त्यानंतर तो कॅब ड्रायव्हर सोनमवर हल्ला करतो. 

पुढे टीझरमध्ये दिसते की, यूकेमध्ये महिलांचे अपहरण करणाऱ्या व्यक्तीचा पोलिस शोध घेत आहेत. टीझरचा शेवट एका फोन कॉलने होतो ज्यामध्ये किडनॅपर हा सोनमला त्याचा पाठलाग न करण्याची चेतावणी देतो. यावर सोनम म्हणते, 'मी हे सर्व संपवणार आहे.' सोनमच्या ब्लाइंड या चित्रपटाच्या या टीझरला नेटकऱ्यांची  पसंती मिळत आहे.

पाहा ट्रेलर

ब्लाइंड या चित्रपटाचं शूटिंग ग्लासगो येथे झाले आहे. या चित्रपटात सोनमसोबतच विनय पाठक आणि लिलेट दुबे  यांनी देखील प्रमुख भूमिका साकारल्या आहेत. हा चित्रपट 39 दिवसात शूट करण्यात आला आहे. 

एका मुलाखतीमध्ये सोनमनं सांगितलं की, तिने गरोदरपणात कोणताही चित्रपट न करण्याचा निर्णय घेतला होता. सोनमनं ब्लाइंड चित्रपटाचं शूटिंग गरोदरपणाच्या आधी केलं होतं. सोनमने मे 2022 मध्ये तिचा मुलगा वायुला जन्म दिला. सोनमचा ब्लाइंड हा चित्रपट JioCinema या ओटीटी प्लॅटफॉर्मवर 7 जुलै रोजी प्रेक्षक पाहू शकतात. सोनमचे चाहते तिच्या या चित्रपटाची उत्सुकतेने वाट बघत आहेत. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Sonam Kapoor Ahuja (@sonamkapoor)

सोनमचे चित्रपट

सोनमच्या आयशा, सावरिया, विरे दी वेडिंग, रांझणा या चित्रपटांना प्रेक्षकांची विशेष पसंती मिळाली. सोनम सोशल मीडियावर देखील अॅक्टिव्ह असते. वेगवेगळे लूकमधील फोटो सोनम सोशल मीडियावर शेअर करते. 2020 मध्ये सोनमचा 'एके वर्सेज एके' हा चित्रपट प्रेक्षकांच्या भेटीस आला होता. आता लवकरच ती ब्लाइंड या चित्रपटामधून प्रेक्षकांच्या भेटीस येणार आहे.

वाचा इतर महत्वाच्या बातम्या: