'देव चोरला माझा'; अजित पवारांच्या निधनानंतर बिग बॉस विजेता सूरज चव्हाण भावुक, डोळे पाणावले
Suraj Chavans Heartfelt Post for Ajit Pawar Goes Viral: अजित पवार यांच्या निधनानंतर सूरज चव्हाण भावुक. अजित पवारांनी दिलेल्या मदतीची आठवण काढत खास पोस्ट केली शेअर.
Suraj Chavans Heartfelt Post for Ajit Pawar Goes Viral: राज्याचे उपमुख्यमंत्री अजित पवार यांच्या निधनाची बातमी समोर येताच संपूर्ण राज्य हादरलं. आगामी जिल्हा परिषद आणि पंचायत समिती निवडणूक प्रचारासाठी ते मुंबईहून बारामतीच्या दिशेनं रवाना झाले होते. मात्र, लँडिंगवेळी त्यांच्या विमानाचा अपघात झाला. विमानाचा स्फोट होताच अजित पवार यांच्यासह एकूण 5 जणांचा मृत्यू झाला. या विमान अपघातात महाराष्ट्राने एक रूबाबदार नेता गमावला असल्याची भावना व्यक्त केली जात आहे. अजित पवार यांच्या निधनानंतर नेते मंडळींसह सिनेकलाकारांनाही अश्रूंचा बांध फुटला. बिग बॉस मराठी सिझन पाचचा विजेता सूरज चव्हाण यानेही पोस्टद्वारे दु:ख व्यक्त केलं. यावेळी त्याच्या शब्दातून सूरज प्रचंड भावुक झाला असल्याचं पाहायला मिळालं. सध्या सूरज चव्हाणची पोस्ट सोशल मीडियात व्हायरल होत आहे.
अजित पवारांसाठी सूरज चव्हाणची भावुक पोस्ट
सूरज चव्हाणने अजित पवार यांच्यासोबतचे फोटो सोशल मीडियात शेअर केले. एका फोटोमध्ये सूरज चव्हाण अजित पवार यांना नमस्कार करताना दिसत आहे. तर, इतर फोटो हे अजित पवार यांचे आहेत. सूरज चव्हाणला अजित पवारांनी घर बांधून देण्याचं वचन दिलं होतं. ते वचन अजित दादांनी पूर्ण केलं होतं. तेव्हा सूरज चव्हाण याने अजित पवार यांचे मनापासून आभार मानले. आज अजित पवार यांचा विमान अपघातात निधन झालं. निधनाची बातमी समोर येताच सूरज चव्हाणला दु:ख अनावर झालं. त्यानं अजित पवार यांच्यासाठी खास पोस्ट शेअर केली.
View this post on Instagram
"मित्रांनो. आज माझा देव चोरला. मला या गोष्टीवर अजिबात विश्वास बसत नाहीये, आपले लाडके कार्यसम्राट, आपले दादा आज आपल्यात नाहीयेत.. माझ्यासारख्या एका गरीब मुलाला त्यांनी सोन्यासारखं घर बांधून दिलं. माझी काळजीही घेतली. तसेच मला नवीन आयुष्य त्यांनी मिळवून दिलं. अजित दादांसारखा देवमाणूस मी आजवर पाहिलेला नाही. हा देवमाणूस आता या जगात नाही. या गोष्टीचं मला लई वाईट वाटत आहे. मला या गोष्टीचं खूप दु: ख होत आहे. माझ्या आई आणि आप्पांनंतर अजित दादांनी माझ्यासाठी खूप केलं आहे. आयुष्यभर मी त्यांची आठवण काळजात सांभाळून ठेवेन..", अशा आशयाचे पोस्ट त्यानं खास अजित पवार यांच्यासाठी लिहून शेअर केली आहे.
सध्या सूरज चव्हाणची पोस्ट सोशल मीडियात व्हायरल होत आहे. नेटकऱ्यांनी त्याच्या पोस्टवर कमेंट करून दु:ख व्यक्त केलं.
महत्त्वाच्या बातम्या
