Bigg Boss Marathi 6: एलिमिनेट होताच रुचिता भेटली बिग बॉसच्या खास स्पर्धकाला, व्हिडिओ टाकत म्हणाली...
बिग बॉसच्या घरातून बाहेर पडल्या पडल्या रुचिता तिच्या बिग बॉसच्या घरातील मैत्रिणीला येऊन भेटलीये.
Bigg Boss Marathi 6: बिग बॉस मराठीच्या सहाव्या पर्वातून रुचिता जामदारने एक्झिट घेतली. बिग बॉसच्या घराबाहेर पडल्यानंतर तिने सोशल मीडियावर पोस्ट करत सर्व प्रेक्षक व चाहत्यांची माफी मागितली. बिग बॉसच्या घरात आठ आठवडे राहिल्यानंतर रुचिता घराबाहेर पडली आहे. तिच्या एलिमिनेशनमुळे तिच्या चाहत्यांना मोठा धक्का बसलाय. दरम्यान बिग बॉसच्या घरातून बाहेर पडल्या पडल्या रुचिताने बिग बॉसच्या घरातून एलिमिनेट झालेल्या एका सदस्याची भेट घेतली आहे. Instagram वर स्टोरी पोस्ट करत तिने ही भेट घेतल्याचा चाहत्यांनाही सांगितलं. याची सध्या एकच चर्चा होताना दिसतेय.
बिग बॉसच्या घरात रुचिताचा गेम गेल्या काही दिवसांमध्ये बिघडलाच दिसलं. रितेश भाऊंनी अनेकदा तिला योग्य मार्गावर आणण्याचा प्रयत्न केला पण तिचा गेम विशाल भोवतीच फिरताना दिसला. परिणामी तिला घरातून बाहेर पडावं लागलं. बिग बॉसच्या घरात रुचिताची जवळपास सगळ्याच स्पर्धकांशी वादावादी झाल्याचे दिसलेलं. जेवढे भांडण चर्चेत आले तेवढेच तिची. काही स्पर्धकांसोबत असलेल्या मैत्रीची चर्चा झाली. बिग बॉसच्या घरातून बाहेर पडल्या पडल्या रुचिता तिच्या बिग बॉसच्या घरातील मैत्रिणीला येऊन भेटलीये.
कोणाला भेटली रुचिता?
घरातून बाहेर पडल्या पडल्या रुचिता बिग बॉस मधून एलिमिनेट झालेल्या राधा पाटील मुंबईकरला भेटली आहे. इंस्टाग्रामच्या स्टोरीवर व्हिडिओ टाकत ती म्हणाली," गाईज, काय झाली आहे मी.. एलिमिनेट झाले आहे. एलिमिनेट झाल्यानंतर सगळ्यात पहिल्यांदा मी कोणाला भेटले बघायचं? रुचिता राधाला दाखवते. राधा ही मागे डान्स करत करत येते. त्यावर हसत रुचिता म्हणते, " पहिल्या आठवड्यातील जुगलबंदी अजूनही ऑन आहे. खुश आहे मी माझ्या लोकांना भेटते आहे आता" असं म्हणतात राधा म्हणाली, मी ही खुश आहे पण मला दुःख होतंय मी रुचिताला टॉप फाईव्हमध्ये बघत होते. पण तसं झालं नाही. पण बरं झालं लवकर आलीस. मला माझ्या स्किनची ट्रीटमेंट करायचे आहे. त्यावर रुचिता लटकी रागावते. राधाला 'हरामी आहेस तू 'आणि म्हणून या बाईने मला एवढ्या लवकर बोलावलं" असं म्हणते.
रुचिताच्या या भेटीनंतर राधा आणि रुचिताच्या मैत्रीची चर्चा रंगली आहे. बिग बॉस मराठीच्या पहिल्या आठवड्यात रुचिता आणि राधा या दोघींनी एकत्र लावणी केली होती. त्यानंतर अनेकदा घरामध्ये देखील त्यांच्या मैत्रीच्या चर्चा रंगल्या.
महत्त्वाच्या बातम्या
