Utkarsh Shinde On Marathi Langauge Compulsion: 'मराठीच कळत नाही किंवा कळून घ्याचीच नाही, म्हटल्यावर...'; अमराठी रिक्षा चालकांना मराठमोळ्या गायकाचा थेट इशारा
Utkarsh Shinde On Marathi Langauge Compulsion: प्रशासनाच्या या निर्णयामुळे काही रिक्षाचालकांमध्ये नाराजीचं वातावरण असून, त्यांनी संपाचाही इशारा दिलाय. या मुद्द्यावरून सध्या विविध स्तरांवर चर्चा सुरू असून, अनेक मराठी कलाकारही आपली भूमिका मांडताना दिसत आहेत.
Utkarsh Shinde On Marathi Langauge Compulsion: येत्या 'महाराष्ट्र दिना'पासून (Maharashtra Din) राज्यातील परवानाधारक रिक्षा आणि टॅक्सी चालकांसाठी मराठी भाषेचं ज्ञान (Marathi Language For Rickshaw And Taxi Drivers) अनिवार्य करण्याचा निर्णय घेण्यात आला आहे. या निर्णयाच्या अंमलबजावणीसाठी मोटार परिवहन विभागाच्या 59 प्रादेशिक आणि उपप्रादेशिक कार्यालयांमार्फत विशेष तपासणी मोहीम राबवली जाणार आहे. या मोहिमेदरम्यान चालकांना मराठी (Marathi Langauge) वाचता आणि लिहिता येतं का, याची प्रत्यक्ष चाचणी घेतली जाणार आहे. तसेच, ज्या चालकांना मराठीचं (Marathi Drivers) आवश्यक ज्ञान नसेल, त्यांच्या परवान्यांवर कारवाई करून ते रद्द करण्याचा इशाराही परिवहन मंत्री प्रताप सरनाईक (Transport Minister Pratap Sarnaik) यांनी दिला आहे.
प्रशासनाच्या या निर्णयामुळे काही रिक्षाचालकांमध्ये नाराजीचं वातावरण असून, त्यांनी संपाचाही इशारा दिलाय. या मुद्द्यावरून सध्या विविध स्तरांवर चर्चा सुरू असून, अनेक मराठी कलाकारही आपली भूमिका मांडताना दिसत आहेत. अशातच 'बिग बॉस मराठी' (Bigg Boss Marathi) फेम सुप्रसिद्ध गायक उत्कर्ष शिंदे (Utkarsh Shinde) यानं सोशल मीडियावर पोस्ट शेअर करुन आपलं मत व्यक्त केलं आहे.
गायक उत्कर्ष शिंदे नेमकं काय म्हणाला? (Utkarsh Shinde On Marathi Langauge)
'बिग बॉस मराठी' फेम गायक उत्कर्ष शिंदे यानं त्याच्या इन्स्टाग्राम हँडलवरुन एक फोटो शेअर केलाय. दादरच्या शिवसेना भवन इथला हा फोटो आहे. हा फोटो शेअर करत उत्कर्ष शिंदे यानं मराठी भाषेला विरोध करणाऱ्या रिक्षा चालकांना खडे बोल सुनावले आहेत.
View this post on Instagram
मराठी अस्मिता काय कळणार... : गायक उत्कर्ष शिंदे
"मराठी येत नसेल तर शिका आणि शिकायचीच नसेल तर निघा… परप्रांतीय मित्रांनो तुमचा द्वेष नाही, आम्हाला हा आमच्या मराठी भाषेसाठीचा, मानसन्मान, अभिमान आहे... तुम्हाला मराठीच कळत नाही किंवा कळून घ्याचीच नाही, म्हटल्यावर मराठी अस्मिता काय कळणार... ठिक आहे, तुम्हाला कळेल त्या भाषेत समजविण्याचा प्रयत्न मराठी माणूस नक्की करेल...", असं उत्कृष्ट शिंदे यानं पोस्टमध्ये म्हटलं आहे.
उत्कर्ष शिंदेनं केलेल्या पोस्टवर चाहत्यांनी कमेंट केल्या आहेत. उत्कर्ष अनेकदा त्याच्या सोशल मीडियावरुन समाजातील घटनांवर भाष्य करत असतो. उत्कर्ष व्यतिरिक्त अनेक मराठी कलाकारांनी या मुद्द्यावर भाष्य केलं आहे. दिग्दर्शक हेमंत ढोमे, महाराष्ट्राची हास्यजत्रा फेम सचिन गोस्वामी, अभिनेता अंशुमन विचारे यांनीही या मुद्द्यावर पोस्ट करत भाष्य केलंय.
महत्त्वाच्या इतर बातम्या :
महत्त्वाच्या बातम्या
