बिकिनी फोटोशूट अन् बाबांचा नकार; बिग बॉस मराठी फेम सोनाली राऊतचा फोटोशूट व्हायरल, घरचे नेमकं काय म्हणाले?
Sonali Raut Reveals Family Reaction to Her Bold Bikini Shoot: बिग बॉस मराठी सिझन 6 मधील स्पर्धक सोनाली राऊत सध्या चर्चेत. 2010 साली केलेला बिकीनी फोटोशूट झाला होता प्रचंड व्हायरल.
Sonali Raut Reveals Family Reaction to Her Bold Bikini Shoot: बिग बॉस मराठी सिझन 6 सध्या प्रेक्षकांमध्ये प्रचंड चर्चेत आहे. या सिझनमधील स्पर्धकांचीही प्रचंड चर्चा होत आहे. दिपाली सय्यद, राकेश बापट, सागर कारंडे, तन्वी कोलते, यासह इतर स्पर्धकांचे व्हिडिओ सोशल मीडियात व्हायरल होत असतात. सध्या आणखी एका स्पर्धकाची चर्चा होत आहे. ती स्पर्धक म्हणजे बोल्ड अँड ब्युटीफूल सोनाली राऊत. 2010 साली तिचा बिकिनीमधील फोटोशूट प्रचंड व्हायरल झाला होता. एका नामांकित कॅलेंडरसाठी तिनं हे फोटोशूट केलं होतं. तिचा हा फोटोशूट खूप व्हायरल झाला होता. यामुळे ती प्रचंड चर्चेत आली होती. दरम्यान, या फोटोशूटवर घरच्यांची नेमकी काय प्रतिक्रिया होती? घरचे कसे रिअॅक्ट झाले? याबाबत तिनं एका मुलाखतीतून खुलासा केला होता. तिची ही मुलाखत सोशल मीडियात व्हायरल झाली होती.
बिग बॉसच्या घरात जाण्यापूर्वी सोनाली एका माध्यमाला मुलाखत दिली होती. मॉडेलिंगला घरच्यांचा पाठिंबा होता का? या प्रश्नावर सोनाली म्हणाली, "माझे वडील सुरूवातीला मॉडेलिंगला सपोर्ट करत नव्हते. माझी मॉडेलिंग क्षेत्रात आहे. ती या क्षेत्रात खूप यशस्वी आहे. माझ्या बहिणीमुळे माझ्या वडिलांचे विचार हळूहळू बदलले. मॉडेलिंगमध्ये करिअर करावं असं मी काही ठरवलं नव्हतं. पण मी एके दिवशी मी पार्टीला गेले होते. त्या पार्टीत मला फोटोग्राफर अतुल कसबेकर भेटले होते. त्यांनी मला एका नामांकित कॅलेंडरसाठी फोटोशूटसाठी ऑफर दिली", असं सोनाली म्हणाली.
"10 वर्षांपूर्वी सोशल मीडियात लोक इतके सक्रीय नव्हते. त्यामुळे मॉडेलिंग म्हणजे नेमकं काय? हे अनेकांना ठाऊक नव्हतं. तेव्हा असं वाटलं की बिकिनी कशी घालू? तेव्हा मी चबी होते. त्यानंतर मी सहा महिने वेट लॉस केला. रोज व्यायाम आणि डाएट फॉलो केलं. नंतर माझं फोटोशूट झालं. फोटोशूट करताना मला खूप मज्जा आली. सुदैवाने मला खूप चांगली टीम भेटली", असं अभिनेत्री सोनाली म्हणाली.
बिकिनी फोटोशूटवर घरच्यांनी, "तू खूप हॉट आहेस", अशी प्रतिक्रिया दिली असल्याचं सोनाली म्हणते. "घरी म्हणाले, हिनं सहा महिन्यांत स्वत:ला ट्रान्सफॉर्म केलं. माझ्यात नक्कीच स्पार्क आणि ग्लॅमर आहे. फक्त मला काही शिकण्याची आवश्यकता आहे, असं मला घरच्यांनी सांगितलं". नामांकित कॅलेंडरबाबत सोनाली म्हणाली, "तेव्हा ते कॅलेंडर खूप चर्चेत होतं. बऱ्याच नवोदित मॉडेल्सला या नामांकित कॅलेंडरमध्ये फोटोशूट करण्याची संधी मिळाली आहे", असं सोनाली म्हणाली.
Before You Go
Anandache Paan : 'खोचक रेषा' या पुस्तकाच्या निमित्ताने लेखक अभिमन्यू कुलकर्णी यांच्यासोबत गप्पा
महत्त्वाच्या बातम्या
