'पुढच्या वेळेस घराबाहेर काढीन..' सोनालीच्या Attitude वर रितेश भाऊ भडकले, सोनालीच्या चेहऱ्यावरचा रंगच उडाला, नेमकं घडलं काय?
वीकेंडच्या एपिसोडमध्ये रितेश भाऊ सोनालीला जाब विचारताना दिसणार आहेत.
Bigg Boss Marathi6: ‘बिग बॉस मराठी 6’च्या घरात या आठवड्यात वातावरण चांगलंच तापलं आहे. स्पर्धक सोनाली राऊतच्या वागणुकीमुळे मोठा वाद निर्माण झाला असून शोचे होस्ट रितेश देशमुख यांनी तिला थेट आणि स्पष्ट शब्दांत सुनावलं आहे. शिस्त, नियम आणि सहभाग याबाबत कोणतीही तडजोड केली जाणार नाही, असा इशारा त्यांनी दिला.
या सिझनची सुरुवात होताच रितेश भाऊंचा कडक पण वेगळा अंदाज प्रेक्षकांच्या पसंतीस उतरत आला आहे. त्यांच्या संवादशैलीमुळे शोला वेगळी उंची मिळताना दिसतेय. या आठवड्यात त्यांनी काही स्पर्धकांचे कौतुक केलं, तर काहींना त्यांच्या वागणुकीवरून फटकारलं आहे.
दरम्यान, कॅप्टन्सी उमेदवारीसाठी दिलेल्या ‘शेणाचं दार आणि मेणाचं दार’ या टास्कमध्ये सोनाली राऊतने सहभागी होण्यास नकार दिला होता. हा निर्णय बिग बॉसच्या नियमांच्या विरोधात असल्याने बिग बॉसने तिला थेट पुढील आठवड्यासाठी नॉमिनेट केलं. याच मुद्द्यावरून रितेश भाऊही सोनालीवर प्रचंड नाराज झाल्याचं दिसून आलं.
इथे कशाला आलात, हा Attitude घरी ठेवायचा
वीकेंडच्या एपिसोडमध्ये रितेश भाऊ सोनालीला जाब विचारताना दिसणार आहेत. “तुम्ही जर टास्कच खेळणार नसाल, तर इथे कशाला आलात?असा थेट सवाल त्यांनी केला. सोनालीने आपली बाजू मांडण्याचा प्रयत्न केला असता, रितेश भाऊंनी तिला मध्येच थांबवत स्पष्ट शब्दांत सुनावलं.
View this post on Instagram
“हा ॲटीट्यूड तुमच्या घरी ठेवायचा, या घरात चालणार नाही. इथे सगळे स्पर्धक समान आहेत. यावेळी फक्त नॉमिनेशन दिलंय, पण पुढच्या वेळी थेट बाहेरचा रस्ता दाखवू,” असा कडक इशारा त्यांनी दिला. या घटनेनंतर बिग बॉसच्या घरातील तणाव आणखी वाढल्याचं पाहायला मिळत आहे. येत्या दिवसांत सोनाली या परिस्थितीला कसं सामोरं जाते आणि घरातील समीकरणं कशी बदलतात, हे पाहणं औत्सुक्याचं ठरणार आहे.
महत्त्वाच्या बातम्या
