Bigg Boss : 'माझी लायकी काढायची नाही..', बिग बॉसच्या घरात अनुश्री अन् तन्वीमध्ये राडा, PROMO सोशल मीडियात व्हायरल
Anushree and Tanvis Fight Goes Viral : बिग बॉस मराठीच्या सहाव्या सिझनमध्ये अनुश्री आणि तन्वीमध्ये जोरदार राडा झाला. याचा प्रोमो सोशल मीडियात व्हायरल होत आहे.
Bigg Boss Anushree and Tanvis Fight Goes Viral : बिग बॉस मराठीच्या सहाव्या सिझनमध्ये एंटरटेनमेंटचा तडका पाहायला मिळाला आहे. अनेक तगडे कलाकारांची या घरातून एक्झिट झाली. यानंतर राखी सावंतची एन्ट्री झाली. राखीनं बिग बॉसच्या घरातील वातावरण बदलून टाकलं. आता तीन नव्या सदस्यांची वाईल्ड कार्ड एन्ट्री झाली. या तिघांची वाईल्ड कार्ड एन्ट्री झाल्यापासून घरातील नवी समीकरणं आणि रणनीती पुढे येताना दिसून येत आहे. अशातच काही दिवसांपासून बिग बॉसच्या घरातील वातावरण बदलले असल्याचं दिसून येत आहे. अनुश्री आणि तन्वीमध्ये वाद झाला. याचा प्रोमो समोर आला आहे. या प्रोमोमध्ये तन्वी आणि अनुश्री जोरजोरात भांडत असल्याचं दिसून येत आहे.
अनुश्री आणि तन्वी यांच्यात राडा झाला असल्याचं दिसून आलं. प्रोमोमध्ये तन्वी म्हणते, 'अनुश्री टोळी सोडण्याच्या दोन आठवड्यांआधीपासून आम्हाला याबद्दल सांगत होती', तेव्हा अनु्श्री 'टोळी सोडणं हा माझा विशाल दोघांचा प्लान होता', असं म्हणते. तेव्हा विशाल हा काहीतरी खात असतो आणि हसतो. तेव्हा तन्वीला राग अनावर होतो. तन्वी 'अनुश्री तू विश्वास ठेवण्याच्या लायकीची नाहीस' असं अनु्श्रीला म्हणते.
तेव्हा अनुश्री, 'माझी लायकी काढायची नाही. मी Indvidual खेळते, दादा - दादा असं करत बसत नाही. असं करायचीही गरजच नाही', असं म्हणते. दोघींमधील हा वाद अधिक पेटलेला दिसून आला. सध्या याचा प्रोमो सोशल मीडियात व्हायरल होत आहे. कलर्स मराठीने या एपिसोडचा प्रोमो शेअर केला आहे. 'बिग बॉसच्या घरात होणार अनुश्री आणि तन्वीमध्ये वाद', असं कॅप्शन देत हा व्हिडिओ शेअर करण्यात आला आहे. प्रोमोचा हा व्हिडिओ सोशल मीडियात व्हायरल होत आहे.
प्रेक्षक आणि नेटकऱ्यांनी या प्रोमोवर कमेंट केली आहे. काहींनी अनु्श्रीची बाजू घेतली. तर, काहींनी तन्वीची बाजू घेतली आहे. सध्या या एपिसोडची प्रेक्षकांमध्ये प्रचंड चर्चा आहे.
ही बातमी वाचा:
महत्त्वाच्या बातम्या
