Bigg Boss Marathi 6 Divya Shinde 'मी जुन्नरची, आमच्याकडे हातात बांगड्यांऐवजी तलवार दिली जाते...'; बिग बॉसवर आरोप करताना दिव्या शिंदेचं मोठं वक्तव्य
Bigg Boss Marathi 6 Divya Shinde: घरात झालेल्या भांडणावेळी एका शस्त्राचा उल्लेख करत धमकी दिल्याचा आरोप दिव्या शिंदेवर करण्यात आला. तसेच, असं करणं म्हणजे, बिग बॉसच्या घरातील सर्वात मोठ्या नियमाचं उल्लंघन केल्याचा ठपका तिच्यावर ठेवण्यात आला.
Bigg Boss Marathi 6 Divya Shinde: सध्या मराठी रिअॅलिटी शो 'बिग बॉस मराठी'चा (Bigg Boss Marathi) सहावा सीझन चर्चेत आहे. सीझन ऐन रंगात आला असतानाच घरात एक गोष्ट घडली आणि त्यामुळे बिग बॉसच्या ट्रॉफीचे दावेदार समजल्या जाणाऱ्या स्पर्धकांमध्ये आघाडीवर असणारी स्पर्धक दिव्या शिंदेला (Divya Shinde) घरातून बाहेर काढण्यात आलं. घरात झालेल्या भांडणावेळी एका शस्त्राचा उल्लेख करत धमकी दिल्याचा आरोप दिव्या शिंदेवर करण्यात आला. तसेच, असं करणं म्हणजे, बिग बॉसच्या घरातील सर्वात मोठ्या नियमाचं उल्लंघन केल्याचा ठपका तिच्यावर ठेवण्यात आला आणि तिला घराबाहेर काढण्यात आलं. मात्र, दुसरीकडे बिग बॉसनं लावलेले आरोप दिव्या शिंदेला अजिबात मान्य नाही. त्यामुळे तिनं पत्रकार परिषद घेऊन अनेक गोष्टींचा खुलासा केला आहे. एवढंच नाहीतर दिव्या शिंदेनं बिग बॉसच्या टीमवर अनेक धक्कादायक आरोपही केले आहेत.
"मी जुन्नरची, आमच्याकडे हातात बांगड्यांऐवजी तलवार दिली जाते..."
"मी त्यांना हजार वेळा सांगितलं तुम्हाला माझ्या गोष्टी कळणार नाहीत. पण, तुम्ही जर मला चिड आणताय, मला Poke करतायतआणि तुम्हाला जर ऐकायचं असेल तर बाहेरच्या जगात मी सरकार म्हणून फिरते आणि हातात तलावर घेऊन फिरते. याचा अर्थ असा की,मी जुन्नरची आहे. आमच्याकडे हातात बांगड्यांऐवजी तलवार दिली जाते. शृंगारच्या आधी स्वाभिमानाने जगणं शिकवलं जातं. स्वाभिमान हा आमच्यासाठी श्वासापेक्षा महत्वाचा आहे. कारण,माझा जन्म शिवनेरीत झालाय. आम्हाला खरी तलवार घेऊन फिरण्याची गरज नाही, कारण आम्ही संविधान असलेल्या देशात राहतो."
View this post on Instagram
दिव्या शिंदे म्हणाली की, "तुम्ही जर वैचारिक आहात, तर ती तलवार वैचारिक फिरली जाईल. तुम्ही जर शाब्दिक असाल तर ती तलवार शाब्दिक फिरली जाईल. शिवाय तुम्ही जर स्वाभिमानी असाल तर ती तलवार स्वाभिमानासाठी फिरवली जाईल. हा त्या शब्दांचा अर्थ आहे. पण, तो अर्थ समजूनच घेतला नाही. आणि अर्धसत्य महाराष्ट्राला सांगितलं जातंय. मग तुम्ही ती पूर्ण क्लिप दाखवा. त्यानंतर त्यांनी असं सांगितलं की, आम्ही तिला निष्काषित करत आहोत. पण, त्यांनी मला निष्काषित केलं नाही. कन्फेशन रुममध्ये मी माझं मत मांडलं की, मला हा शो सोडायचा आहे."
"मी कुणालाही धमकी दिलेली नाही.जे अर्धसत्य महाराष्ट्राला सांगितलं जातंय, त्याचा अर्थ मी काय समजावा. हे खूप घातक आहे. त्यामुळे मी कोणाचीही माफी मागणार नाही. त्यांनी ती पूर्ण क्लिप दाखवावी." असा खुलासा दिव्या शिंदेनं केलाय.
महत्त्वाच्या इतर बातम्या :
Before You Go
Anandache Paan : 'खोचक रेषा' या पुस्तकाच्या निमित्ताने लेखक अभिमन्यू कुलकर्णी यांच्यासोबत गप्पा
महत्त्वाच्या बातम्या
